عالم اولوب غرق صفا #17ربیع_سیفی_اردبیلی

سرود ولادت نبی اکرم
.
#زبدةالاشعار
.
: @nohe_torki
.
سیفی اردبیلی
.
عالم اولوب غرق صفا
گورسندی نور کبریا
یا مصطفی یا مصطفی
گوگلرده جبریل امین
ائتدی شروریلن ندا
یا مصطفی یا مصطفی
.
.
.
ای منجی کُلِّ بشر
ای أمته نور بصر
وی نوری نور دادگر
سندن تاپوب دنیا بقا
یا مصطفی یا مصطفی
.
.
سن رحمتِ اللهسن
سن عالمه دلخواهسن
وار سنده احسان و کرم
سن معدلت درگاهسن
یا مصطفی یا مصطفی
.
.
ای حُسنی حُسن ذوالمنی
وی نوری دینه روشنی
حُسنون قوروتدی ساوه ده
جوشقون اولان دریاچه نی
یا مصطفی یا مصطفی
.
.
سنسن بو خلقتدن هدف
دنیا تاپوب سندن شرف
اهل جهانی سوق ائدر
زیبا سؤزون حقه طرف
یا مصطفی یا مصطفی
.
.
چشم خلایق سنده دی
شاهلار قاپوندا بنده دی
حُسن جمالوندن سنون
شمس و قمر شرمنده دی
یا مصطفی یا مصطفی
.
.
غم نخلیون یاندیر خولین
ظالم لرون سیندیر قولین
لطف ایله بایراملق بیزه
ششگوشه قبرون آچ یولین
یا مصطفی یا مصطفی
.
.
قوی عشقه دل بیدار اولاق
مهمان کوی یار اولاق
اوغلون حسینون قبرینه
قاره گیوب زوار اولاق
یا مصطفی یا مصطفی
.
.
حقدن یتشدی پای دیک
قان آغلیاق ایوان دیک
غملی ربابه سس قوشاق
بیر اصغره لایلای دیک
یا مصطفی یا مصطفی
.
.
بیر حلقه ی غم باغلیاق
دستار ماتم باغلیاق
قانه بویانمش حنجره
اشکیله مرهم باغلیاق
یا مصطفی یا مصطفی
.
.
وای سویلیک عطشان بالا
نازلی بالا جیران بالا
گوردی سنی چوخ خسته سن
لایلای دئدی پیکان بالا
یا مصطفی یا مصطفی
.
.
.

.
.
#17ربیع_سیفی_اردبیلی
#پیامبراسلام
#عالم_اولوب_غرق_صفا
#ترکی
.
#زبدةالاشعار
.
: @nohe_torki