عروة الوثقایه ای مفهوم و معنی یاعلی #حیدریه_عدلی_تبریزی

مدح حضرت امیرالمومنین، مولی الموحدین علی ابن ابیطالب (ع)
.
✍️ زبدة الاشعار ✍️
.
🆔: @nohe_torki
.
حاج اصغر فرشچی ( عدلی تبریزی )
.
عروة الوثقایه ای مفهوم و معنی یاعلی
سینه سی گنجینۀ قرآن گویا یا علی
.
بیرسنق خامه نجه یازسون سنون اجلالیوی
هاردا قطریلن اولار احصاء دریا یا علی
.
وصفوه ویرسا رقم دنیاده هر صاحب قلم
قورتارا بولمز نقدر واردی بو دنیا یا علی
.
محرم اَسرار اِسراء باب علم مصطفی
ای ولی الله اعظم نفس طاها یا علی
.
گوئیا همراهیدون معراجیده پیغمبره
سس سنون اولدی رسوله لَیل اِسراء یا علی
.
سن ایاق قویدون پیمبرچگنینه ای بت شکن
خانۀ توحیدی سن ایتدون مصفا یا علی
.
هانسی دعواده پیمبر اولدی اولدون یاوری
پرچم دینی اوجاتدون اولدی برپا یا علی
.
یوخ شهامتده عدیلون نه شجاعنده نظیر
لا فتی حقینده ایلوب دور تجلّا یا علی
.
هل اتا گویای روشندی سنون ایثاریوه
مادحون الله واحد حیّ اعلا یا علی
.
بیریدالله فوق ایدیهم نشانی سنده وار
شاهدیم علم الکتابدی نصّ زیبا یا علی
.
سخت طوفاندا که نوحون کشتی سی تاپدی نجات
مشکلون سن حل ایدوبسن روز غوغا یا علی
.
سن خلیل اللهی اوددان قورتاروب ایتدون رها
صدق ایمان و عمل سنده هویدا یا علی
.
استعانت ایستدی سندن او موسای نبی
ظلم فرعوندان قوتولدی قوم موسی یا علی
.
غیرسن زهرایه هم کفوکیمدی اولسون بوتراب
سنکیمی مولایه لایقدی او تنها یا علی
.
سن امام مجتبایه سرّصلح اورگتموس
مسلمینی حفظ ایده تا روز هیجا یا علی
.
نهضت کرب وبلاده روز عاشورا گونی
رهبریت نقشنی سن ایتدون ایفا یا علی
.
روز محشرکه شفاعت اذننی آلدون اله
«عدلیه» ایله عنایت جان زهرا یا علی
.
.
.
#حیدریه_مدح
#عروة_الوثقایه_ای_مفهوم_و_معنی_یاعلی
#عدلی_تبریزی
#ترکی
.
.
✍️ #زبدةالاشعار ✍️
.
🆔: @nohe_torki