وداع حضرت سیدالشهدا(ع) با دخترش رقیه (س)
سوال و جواب
..
..
#سبک_بالام_آغلاما_گلوم_آغلاما ( 7 سبک برای سینه زنی و زنجیر ) … دولانور علی قیزی مقتلی … باجی دور گئداخ …
..
..
مرحوم انور اردبیلی
..
..
نه شتابیلن ایدوسن سفر دایان آی بابا دایان آی بابا
بو عزیزوه ایله بیر نظر دایان آی بابا دایان آی بابا
..
..
آتاسی سفر ایده هر قیزون دالسیجا اشگین الر گلور
آتوون الامینی چک گوروم باشیما بو چولده نه لر گلور
قوجاقوندا ناز ایلین قیزون نجه گور دالونجا ملر گلور
آتادان مگر بالا ال چکر دایان آی بابا دایان آی بابا
..
..
نچه گوندی بیز قوناقوق بورا آچیلوب غم و مُحنین یولی
نه روا دوشه بیز اولان یره گلنون یولی گیدنون یولی
بیزی ئوز مدینه میزه آپار آچیق اولسا گر وطنون یولی
بوریوبدی خیمه لری خطر دایان آی بابا دایان آی بابا
..
..
بو نه عشقیدور منیم عشقیمه بیله پشت پا ویروسان بابا
سنی سسلورم دالی باخموسان نه جلو چکوب دوروسان بابا
نه سبب بو نازک اورک قیزین اورگینی سیندیروسان بابا
ئولرم دایانمیاسان اگر دایان آی بابا دایان آی بابا
..
..
بابا سسلینده رقیه نون سنه خوش گلردی شیرین سوزی
ایله بیل زمانه عوض اولوب نه شیرین گلور سوزی نه ئوزی
هامودان چوخیدی جلالتیم ولی قویمادی فلکون گوزی
منی ایلدی نجه دربدر دایان آی بابا دایان آی بابا
..
..
خطری گورنده قطا قوشی یوواسین مکان ایلیوب قالار
نقدر اولا بالا جوجه سی چاغیروب کنارینه تز آلار
سپر ایلیوب ایکی شهپرین بالالارین امن یره سالار
قناد آلتدا ساخلیوب حفظ ایدر دایان آی بابا دایان آی بابا
..
..
بو قدر شکارچی گوزتلیور بیزیم آشیانه میزه دولا
توکولنده خیمه لره قشون قاچا بیلمروک صاقا نه صولا
بالا قیزلارون چوخی قورخورام قاچاقاچ دوشنده شهیداولا
خانم عمم اولمیا باخبر دایان آی بابا دایان آی بابا
..
..
منه سن نجف یولون ایندیدن بابا اورگدوب ایله برملا
دولوشاندا خیمه لره قشون ئوزومی قاچوم یتوروم اورا
عمومون یاتان یرینی و یا منه گوستر ای شه کربلا
سیخلوم اونا من خونجگر دایان آی بابا دایان آی بابا
..
..
#وداع #انور_اردبیلی #حسینیه_وداع #ترکی #زبدةالاشعار
نظر دهید