در مدح حضرت امام محمد باقر علیه السلام
.
زبدة الاشعار
?: @nohe_torki
.
امینی خویی
.
عزت وئروبدور حضرت یزدان امام باقره
اولسون هامی علّامه لر قربان امام باقره
.
.
باقر نه باقر مکتب قرآن و دینه افتخار
باقر نه باقر علم اونین حکمیله اولموش انفجار
باقر نه باقر حُسنینه مبهوت قالمش روزگار
چاتمازدی جداً یوسف کنعان امام باقره
.
.
باقر نه باقر شهرهٔ آفاق مهر و معرفت
باقر نه باقر اوندا وار مینلر پسندیده صفت
باقر نه باقر واقعاً خلّاق حُسن و عاطفت
بیجا دگول مدیون اولور انسان امام باقره
.
.
باقر نه باقر انتخاب ایلوب پیمبر آدینی
باقر نه باقر باغلیوب اوز آدینه اجدادینی
باقر نه باقر حفظ ائدوب پیغمبرین اولادینی
گلدی سمادن بیر خفا فرمان امام باقره
.
.
باقر نه باقر شام ده بیر گون اسیر جنگدی
مانند زین العابدین یا عمّه سی دل تنگدی
گوردی یزید بی حیا بی شرم و بی فرهنگدی
اولموشدی گرچه شام او گون زندان امام باقره
.
.
دوران دولاندی الغرض گئتدی امام ساجدین
امر اولدی حقدن چیگنینه آلسین ولایت بیرقین
آلمیشدیلار اطرافینی اهل کمال اهل یقین
قالمیش امور مکتب قرآن امام باقره
.
.
آخر هشام بن ولید ایلوب جفا اول حضرته
اهل مدینه ائتمدی حتی وفا اول حضرت
والی شهر ایلوبدی چوخ ظلم خفا اول حضرته
تزریق ائدوبلر زهری چون پنهان امام باقره
.
.
هر کیم سنین درگاهیوه نوکر و یا مداح اولور
شأنین اوجالدیر حق اونین افلاکه مثل شاه اولور
اما «امینی» نوکرون بیر ذرّه خاک راه اولور
هرکیم اولا زائر سنه مهمان امام باقره
.
.
#باقریه_مدح
#عزت_وئروبدور_حضرت_یزدان_امام_باقره
#امینی_خویی
#ترکی
.
#زبدةالاشعار
?: @nohe_torki
: @nohe_torki . محمد حسین کتابچی ( علومی تبریزی ) . قالدی خرابه یرده قارداش باجون رقیه دائم توکر عذاره قانیاش باجون رقیه . . ای گول جمالی رشک گلزار ملک جنت قالدیمبیشتر
نظر دهید