شهادت حضرت علی اکبر (ع)
.
#زبدةالاشعار
.
: @nohe_torki
.
لاادری
.
عزیز فاطمه الحق نه امتحان وئردی
او گون که گوردی جوان اوغلی تشنه جان وئردی
.
جوان اوغول باشین آلدی قوجا آتا دیزینه
محل ضربت منقذ دوباره قان وئردی
.
امام باطن صورتده جان وئروردی ئوزی
گورنده جان ایله نورسته نوجوان وئردی
.
کمال حسرتیله قویدی یوز اوغول یوزونه
نشان نهانی اولان صورتین عیان وئردی
.
بویوردی اُفّ اولا سن سیز على بو دنیایه
که بو غریب آتاوا محنت گران وئردی
.
سیلردی دیشلرینون قانین ئوز الیله امام
نه حال امامه خدا بولمورم او آن وئردی
.
آتانی قالب بی روح ایدوب اوغول حالی
باخان دییردی اوزاقدان حسینده جان وئردی
.
قوجا آتایه چتیندور جوان اوغول ئولومی
گورون حسین نجه صبر ائتدی امتحان وئردی
.
خدا یولوندا گچوبدور عزیز جانیندن
قلجلارین دمینه بیر ایله جوان وئردی
.
نجه جوان او جوانون نظیر و مانندین
بو تحت قبۀ اطلسده کیم نشان وئردی
.
او نوگل چمن سبط شاه بطحایه
جفای صرصر و ظلم و ستم خزان وئردی
.
پیمبر اوغلی او یرده پیمبر آینه سین
ایدوب هدیۀ جانانه ارمغان وئردی
.
بو فکر دیدی آپارسون خیامه گل بدنین
نه گلدی دیزلرى نه گوز یاشی امان وئردی
.
عبایه چولقادی بیر باسدی جان تک آغوشه
او مرغ بی پر و باله خوش آشیان وئردی
.
گورنمدی قالا گل جسمی گون قباقینده
گتوردی خیمه لره یاخشی آشیان وئردی
.
تمام عمّه لری باشی اوسته باشین آچوب
باجی لاری اونا آغوشده مکان وئردی
.
توکولدولر ایشیگه خیمه دن تمام حرم
ولی آناسی رسوم ادب نشان وئردی
.
کناره چخمادی لیلا حیا اولوب مانع
ولی سرشگه اجازه او باغریقان وئردی
.
خیال ائتدی چخوب گورسه اوغلون آغلیه جاق
همین او فکر اونا خیمه ده مکان وئردی
.
مباد آغلیه زهرا عزیزی غصّه لنه
تسلّی لیلیه دلخسته بانوان وئردی
.
دایاندی چخمادی ئوز خیمه سینده قالدی خانم
او چخماماق اونا اما چوخ عزّ و شان وئردی
.
مؤثّر اولدی امامه او حالی لیلانون
بیر امتیاز اونا اولدم شه جهان وئردی
.
بولوردی اوغلون اگر گورمسه ئولر لیلا
یقینیدی بو امامه او که گمان وئردی
.
اوغول آناسینی امر ایلدی چخاتسونلار
اجازه گلماقا تا شاه انس و جان وئردی
.
گیروبله قولتوقونا لیلینون ، امان امّا
نه دل دؤیؤنمه سی ، نه چشم خونفشان وئردی
.
.
.
#اکبریه_شهادت
#عزیز_فاطمه_الحق_نه_امتحان_وئردی
#ترکی
.
#زبدةالاشعار
.
: @nohe_torki
نظر دهید