زبدةالاشعار

منی ویرانه گتدی زاره عمه #حضرت_رقیه_هوشی_تبریزی

زبانحال حضرت رقیه (س) در خرابه شام
.
✍️ زبدة الاشعار ✍️
.
🆔: @nohe_torki
.
.
مرحوم غلامعلی باقری الهامی ( هوشی تبریزی)
.
.
منی ویرانه گتدی زاره عمه
من زاره دور ایله چاره عمه
.
قوری یرلر مکانیم دیده گریان
قولوم ظلمیله باغلی تاره عمه
.
نه وار بیرحائلیم نه سایه بانیم
گمانیم وارنه بیرغم خواره عمه
.
اسیرم دستگیرم زار و خسته
ستمله فرقۀ اشراره عمه
.
کنارم ایل قبیلمدن وطندن
گوزوم یاشی آخاررخساره عمه
.
.
زبس دگمیش شماتت تیری قلبیم
اولوب دست ستمله یاره عمه
.
صغیره بیر قیزام باشی بلالی
دیلیم نی تک گلوبدی زاره عمه
.
جفا ازبس چکوبدی خسته جانیم
توانیم یوخ داخی گفتاره عمه
.
بلالی بلبلم گلشن فراقی
ایدوبدور قلبیمی صدپاره عمه
.
گلستانیم سولوب باد ستمله
گلوم همدم اولوبدور خاره عمه
.
غریب و بیکس و بی اقربایم
وطندن اولموشام آواره عمه
.
قنادیم بسته جبرا دل شکسته
گوزوم حسرت قالوب گلزاره عمه
.
بابام هجرینده دونمش قانه اشگیم
بولورسن حسرتم دیداره عمه
.
.
وروب چوخ اینجیدوب اشرار کینه
دگوب سیلی رخ گلناره عمه
.
اورک داغلی قولی باغلی چکوبلر
گهی کوچه گهی بازاره عمه
.
بوروشن گوندوزوم غم کثرتندن
اولوب شب تک گوزومده قاره عمه
.
زیارت آرزوسی دلده(هوشی)
توکر گوز یاشینی رخساره عمه
.
خدادن ایسته بو جمعیله با هم
اولا همره گلن زواره عمه
.
#حضرت_رقیه_شهادت
#منی_ویرانه_گتدی_زاره_عمه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای ولا ملکینده سلطان معظم یا علی #حیدریه_شبخیز

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی