عشقین دورولوب آخدى بولاغلارى بو گونده #عسکریه_سیدبشیرحسینی

مدح و میلادیه حضرت امام حسن عسکری علیه السلام
..
..
..
..
سید بشیر حسینی میانجی
..
..
..
..
عشقین دورولوب آخدى بولاغلارى بوگونده
سیراب ائله دى داغلارى باغلارى بوگونده
.
بیر سؤیملى گول آچدى ولایت چمنینده
سوسن سؤیونوب گولدو دوداقلارى بوگونده
.
یار عشقینه کوسدوق غم و درد و محنیله
گؤر نه بئزنوب شادلیق اُطاقلارى بوگونده
.
قویدو او موبارک قدمین چون یئرین اوسته
دؤندردى یئرى عدنه ایاقلارى بوگونده
.
احسن او اوجا قدّینه هم وقرینه اولسون
حیرتده قویوبدور اوجا داغلارى بوگونده
.
شهلا گؤزو وار قاره قاشى غونچا دوداقى
لاله کیمى آلقاندى یاناقلارى بوگونده
.
هر یئر قدمین ئوپدى اولوب باغ کیمی گوم گؤی
هر بیر آغاجین گولدو بوداقلارى بوگونده
.
سوسن گولونون عطرِ گلِ نرگسى واردور
مدهوش ائلییب عطرى اویاقلارى بوگونده
.
منظوریم علىّ النّقی نین اوغلو حسندیر
نوریله، ایشیقلاندی رواقلارى بوگونده
.
آلدی قوجاقا هم آتاسی همده آناسى
گولّندى چیچکلندى قوجاقلارى بوگونده
.
تبریک دیور شیعه ‏لر، اى مهدى موعود!
قیترمه ‏الى بوش بو قوناقلارى بوگونده
.
آچ دیل گؤزیوى باخ دل عشّاقه «بشیر»ا
عشقیله ایشقلاندى چیراقلارى بوگونده
.
.
#عسکریه_میلادیه #عسکریه
#عشقین_دورولوب_آخدى_بولاغلارى_بو_گونده
#سیدبشیرحسینی
#ترکی
#زبدةالاشعار