یا مهدی
.
زبدةالاشعار
.
: @nohe_torki
.
#هدایت_تبریزی
.
عشقین منی دیوانه ائدیب چوللره سالدی
من دوشدوم ایاقدان گوزلیم ایش سنه قالدی
.
عمروم بویی تیکدیم یولا گوز گلمدین امّا
گل گل نفسیم تنگه دوشوب عمروم آزالدی
.
سنسیز آغی اولدی منه هر نه یئدیم ایچدیم
تلخ اولدی منیم کامیمه ، خلقه او کی بالدی
.
سنسیز نفسنده منه یوخ لذّتی ای گل
من نفسه حرام ایتدیم او کی خلقه حلالدی
.
غم گوشه سی بیت الحزنیم ، گوزیاشی مونس
باتدی نفسیم ، گیتدی جانیم ، نالم اوجالدی
.
فکر ایتدیم اگر دیدیمه گلسه اونی گورّم
گلدی دیله عقلیم دیدی کی بو نه خیالدی
.
غم دیزلری آغوشده باش غم دیزی اوسته
عمروم گونی آز قالدی باتا وقت زوالدی
.
گوز یولدا ، ئورک غمله دولی ، آرزیم ئورکده
خسته ئورگیم قانه دونوب غرق ملالدی
.
قدّیم بوکولوب ، باش آغاریب ، گوزده کی گورمور
عشقیم چیچکی تازه توکوب میوه سی کالدی
.
سن گلمدین عکسین ولی سینمده دی ای گل
ای قامتی محشر گوروشون محشره قالدی
.
عاشقدی «هدایت» سنه ای سرو خرامان
دامانوی الدن ئوتوره فرض محالدی
.
#مهدیه
#عشقین_منی_دیوانه_ائدیب_چوللره_سالدی
#هدایتی_تبریزی
#ترکی
.
#زبدةالاشعار
.
: @nohe_torki
نظر دهید