علاج دردیمه سقراطدن دوا یازیلوب #حضرت_رقیه_خوشزاد

مجلس روضه حضرت رقیه سلام الله علیها
.
زبدة الاشعار
.
: @nohe_torki
.
مرحوم سید حسن خوشزاد
.
علاج دردیمه سقراطدن دوا یازیلوب
دوا اثر ایلمز نسخۀ فنا یازیلوب
.
جهان طبده مبهوتدور ارسطولر
خدا گر ایستسه معلومدور شفا یازیلوب
.
مداد رمزیله دئ دردیوی ابوالفضله
که علم طبّده عباسه مرحبا یازیلوب
.
حسینه نوکر اولان اوزگیه غلام اولماز
حسین نوکری خالصدی بی ریا یازیلوب
.
حسین نوکرینه جام و جم نه لازمدور
که کربلا آدی جام جهان نما یازیلوب
.
خلوص نیتله قوی قدم او درباره
که شاه دفترینه سن کیمی گدا یازیلوب
.
ویرنده فاطمه برگ عبور محشرده
همان او برگده یتمش ایکی فدا یازیلوب
.
ایدوب پیمبر خاتم او برگه نی ممهور
حسین قانینه الله خونبها یازیلوب
.
من عاشقم او گذرنامیه که ذیلنده
مدینه و نجف مکه و منا یازیلوب
.
نه تئز بو مطلبی آزدون قلم خطا گیدون
کتاب عشقده بیر اوزگه ماجرا یازیلوب
.
گرگ رقیه ویره نسخه طبابتوی
همان او نسخه که ذیلنده کربلا یازیلوب
.
باش اَیمه مردم نامرده دهرده «خوشزاد»
که صفحه دلیوه کلمه خدا یازیلوب
.
.
#حسینیه_مدح
#حضرت_رقیه_مدح
#علاج_دردیمه_سقراطدن_دوا_یازیلوب
#خوشزاد
#ترکی
.
#زبدةالاشعار
.
: @nohe_torki