علی دور مجری عدل و عدالت #حیدریه_رمضانی_خاکی

مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
رمضانی (خاکی)
.
علی دور مجری عدل و عدالت
فروزان مشعل راه سعادت
.
ائدن تبلیغ دینه پافشاری
اولان انگیزه سی اسلامه خدمت
.
گونوز سنگرده بی پروا مجاهد
گجه محرابیده غرق عبادت
.
صف اولده حاضر غزوه لرده
امیر لشگر ختم رسالت
.
احد جنگینده جبریل ائتدی اعلان
علیدور دهریده کان شجاعت
.
علی بیر بنده ی ایزد نمادی
اولوب یر عالمینده حقه حجت
.
اونون وصفینده آلله هلی اتی نی
ائدوب نازل اولا قرآنه زینت
.
اگر چه شاهیدی دنیایه اما
گدوب باغ بلییردی چون رعیت
.
کیچیک بیر ائوده ائتدی زنده گانی
اوزونه سالما دی قصر و عمارت
.
گزن دائم رعیت پالتاریندا
باشیندا اولمیان عشق ریاست
.
رعیتلر اولان راضی الیندن
ائدن بش ایل خدا گونه حکومت
.
قضاوت مسندینده اگلشنده
علی اول رهبر والای امت
.
خدانی حاضرو ناظر گورردی
ائدردی وئردیگی حکمونده دقت
.
الیکی ایستدی حقیندن آرتیخ
عقیلین خواهشین رد ائتدی حضرت
.
نیی اولسیدی پایلاردی شبانه
فقیره یوخسولا اول با سخاوت
.
الینده نان خرما نصف شبلر
ائدردی بی نوالردن عیادت
.
رفاه ملته خاطر نه گوندوز
نه ایلردی گجه لر استراحت
.
ائله بیر رهبرین جانلار فداسی
آدا مسیزلاردان ایلردی حمایت
.
قسیم نار والجنه علیدور
او ایلر دوزخ و جناتی قسمت
.
اگرچه بوسوزوم تکراری سوزدی
ولی بیلم بونی شیرین حکایت
.
الیمده مدرکیم چوخ معتبردی
اولوب ختم رسلدن چون روایت
.
بویورموش مصطفی معراج ائدنده
علی نی ایلدیم گویلرده رایت
.
.
#حیدریه_مدح
#علی_دور_مجری_عدل_و_عدالت
#ترکی
.
.
✍️ #زبدةالاشعار ✍️
.
🆔: @nohe_torki