علی سپهر وجاهتده ماه تابانسان #اکبریه_مضطر_قفقازی

زبانحال حضرت امام حسین(ع) در بالین علی اکبر (ع)
..
..
..
مرحوم مضطر قفقازی
..
..
..
علی سپهر وجاهتده ماه تابانسان
نه تز غروب ایلدون کوکب درخشانسان
..
نجه باخوم سنه بو حالتیله جان ویریسن
بو نازنین بدنین قوملار اوسته عطشانسان
..
یارالی جسموه وردوقجا ال غمیم آرتار
باخاندا جسموه باشدان ایاقه آلقانسان
..
نقدر یاره دگه جسموه تحمّل ایله
بهشت عدنده جدّون یانندا مهمانسان
..
خلیل وارثییَم سن ذبیح و هاجر آنان
بوگون منای محبّتده تشنه قربانسان
..
مدینه یوسفی أوغلوم مثال یعقوبم
منی فراق اودونا سالما ماه کنعانسان
..
یقین حیاتیمه یوخدور امید ئولّم من
نه چونکه جسمیم ایچنده مشابه جانسان
..
ز بسکه زخم ویروب لشگر جفا پرور
قتیل خنجر و شمشیر و نوک پیکانسان
..
مگر سموم اسیلوب گلشن حیاتوندا
ندندی تز سارالوب گل کیمی پریشانسان
..
باخوب او زلف پریشانوا پریشانم
بو سرو قامتیلن قان ایچنده غلطانسان
..
یاپوش حسین اتگندن امیدیلن «مضطر»
همیشه بزم عزاسینده سن نواخوانسان
..
..
#اکبریه #مضطر_قفقازی #اکبریه_شهادت #ترکی #زبدةالاشعار