کوچ از قتلگاه
زبانحال حضرت زینب کبری سلام الله علیها
.
✍️ زبدة الاشعار ✍️
?: @nohe_torki
.
.
حاج افشین بابک اردبیلی
.
.
سبک اردبیل : خداحافظ ای آنام باجی …
سبک تبریز : عم اوغلی چوخ گل سارالار
.
.
بیزی قوناق ساخلیانمادی
کربلا آنام اوغلی
اذان ویروب غملی زینبی
سال یولا آنام اوغلی
ناگران گیدور زینب
باغریقان گیدور زینب
.
.
منیم کرامتلی قارداشیم ای فدای دینیم وای
سسیمه سس ویرموسن ندن نورهر دوعینیم وای
قالان بیاباندا پیکری بیکفن حسینیم وای
اولوب غم عشقه زینبون مبتلا آنام اوغلی
.
.
سینونده واریاره قوی یووم قارداش اشک نابیلن
گیدور باجون بودیاریدن دیده پرآبیلن
سینونده سن ساخلا اصغری من گیدوم ربابیلن
دیینمدی لایلای اوغلونا بینوا آنام اوغلی
.
.
غریب اولن بیکفن قالان اولدوم اشتیاقوندن
گچورخیالیمدن ای اخا بیر اوپم دوداقوندن
باشون کی یوخدور بدنده قوی من اوپوم ایاقوندن
اورکده کی دردیمه اولا تا دوا آنام اوغلی
.
.
سینونده کی اوخ یاراسینا یوخ بوچولده سای قارداش
قالوبدی گونلر ایوینده بو گل جنازون آی قارداش
بوقیزلار اولدوردی اوزلرین من دینده وای قارداش
رقیه ده دمبدم دیور وای بابا آنام اوغلی
.
.
عباده کی قانه غرق اولان اکبره باجون قربان
بوغازی اوچ پر اوخا نشان اصغره باجون قربان
کچن گیجه ساربان کسن اللره باجون قربان
کسیلمیش اللرله زینبی قیل دعا آنام اوغلی
.
.
قصاصوی اهل کوفه دن کردگاره تاپشیردیم
سینونده قوی یاتسین اصغرون یاری یاره تاپشیردیم
علاجیم اولمادی جسمووی ریگزاره تاپشیردیم
عجب سعادت تاپوب بوگون نینوا آنام اوغلی
.
.
#سبک_خداحافظ_ای_آنام_باجی (3 سبک)
.
.
#کوچ_کربلا
#بیزی_قوناق_ساخلیانمادی_کربلا_آنام_اوغلی
#بابک_اردبیلی
#ترکی
.
.
✍️ #زبدةالاشعار ✍️
?: @nohe_torki
نظر دهید