زبانحال حضرت علی (ع) بر سر مزار حضرت زهرا (س)
.
✍️ زبدة الاشعار ✍️
.
🆔: @nohe_torki
.
#شمس_شاب_تبریزی
.
علی ولی خدا ، هیکل ولایت و دین
فراق فاطمه ده اولدی ابتلایه قرین
.
گلوبدی بیر گجه قبر بتوله دلده فغان
بو دللریله ایدیب یاره دردینی اذعان
.
گل اوسته شوره گلن بلبلم که هر لحظه
منی ترنمه وادار ایدیبدی فصل خزان
.
او عندلیب هانی ، تا که ابر چشمیله
منیم کیمی ایده جاری گل اوستونه باران
.
گوزوم در غمی دوزماقدا دور گجه گوندوز
همان او رشتیه کیم خلق اونا دییر مژگان
.
جهان گلر گیدر اما گورونمز ، هیچ یرده
علی کیمی اولا بیر کیمسه زنده هجران
.
عجبدی سنسیز علینون هله گلور نفسی
اولیدی کاش خرابه بو عالم امکان
.
ایله داریخمشام الله بولور نلر چکیرم
نجه دییوم نجه تقریر ایدوم سنه قربان
.
مگر گونون سنه لطفی آزالدی کی بیله
خسوفه دوشموسن عرش اوسته ای مه تابان
.
ستاره لر آیا مانوس اولار نه خورشیده
اودور گونوزلر اوزون اولدوز ایلییر پنهان
.
باتان آیم ، گونه رام اولموری ستاره لرین
دور ایله برج محبتده نور ، مهرون عیان
.
هنوز بولموری بختیم منجمی ، آیا
بقیع حملدی ، و یا ثوریدی و یا سرطان
.
ابوترابه ترابی ویرن زمان ترجیح
اولوندی سیل مصیبتله خانه سی ویران
.
او دم کی ایستیرم ایودن چخام اسور اورکیم
کسیلله کوچه نی اشرار پست و بی ایمان
.
بو بیر امیدیله من زنده قالمشام بیر کون
منیده راحت ایده درد و غصه دن جانان
.
غریبه گلشنه دونموش نه با صفادی بقیع
اونون طراوتینه غبطه ایلیر رضوان
.
بو لاله لر کی چخوب توپراقیندان ، اهل وفا
بولر که داغ دل مرتضادی ، شبنمی قان
.
گچن گجه داریخیردی حسین یاتانموردی
توکوردی گوز یاشی ایلوردی نی کیمی افغان
.
نه گوردوم ایگلوردی گل تک سنون یاتان یریوی
دیور آنا بو گجه هارداسان انا العطشان
.
بویوردی جدی حسینون بلاسی چوخ چوخدور
بو مطلبه اوزی عینا گواهیدور سلمان
.
بیر عهد ایداخ که حسین تشنه جان ویرن دمده
یتاخ هراینه تا دردینه ایداخ مهمان
.
دوروبدی دوره ده بیر عده داش وران شامی
اولوبدی تنگ او مظلومه اول وسیع میدان
.
دم شریفی آخور یرده نقش ایدور یا حق
نه ما و من نه شکایت نه وصل نه هجران
.
خداده ایله فنادور ، بقانی باشدان آتوب
ویروردی عالم معناده خضره راهی نشان
.
نه «شمس شابیدی» لایق حسینه نوحه یازا
نده اوزون بولوری شاعر ذوی الدیوان
.
.
#فاطمیه_شهادت
#علی_ولی_خدا_هیکل_ولایت_و_دین
#ترکی
.
✍️ #زبدةالاشعار ✍️
.
🆔: @nohe_torki
نظر دهید