عمری آز دردی دریا ننم وای #فاطمیه_احد_واحد_زاده

زبانحال حضرت زینب (س) در شهادت مادر
.
.
#سبک_ای_قلم… 5 سبک … #سبک_جامه_عشقیوی… #سبک_کاروان_رفته…
.
.
احد واحدی زاده
.
.
عمری آز دردی دریا ننم وای
سینه سی یاره زهرا ننم وای
نیلمیشدون سنی درده سالدى
بو یوزی قاره دنیا ننم وای
.
.
زینبی سن نه تئز گوزدن آتدون
آخدون اولدوز مثالینده باتدون
دویمیوب دورت بالون گول یوزوندن
نصف شبده گئدوب هاردا یاتدون
.
.
زینبون غملی غمخواری لایلای
آغلیان هر گئجه یاری لایلای
گول یوزینده قالان ظلم الیله
سیلی نون نیلی آثاری لایلای
.
.
تاپشوروبسان منه جان وئرنده
آغلاما بیر نشانیم گورنده
نیله رم من گونی قاره زینب
زلفومی فضه اسماء هورنده
.
.
من گئچن گونلری یاده سالّام
عطرووی قانلی کوینکدن آلّام
گوزلریم یول چکر دیلده ناله
بوینی چگنیمده حسرتله قالام
.
.
آغلیاندا من آغلار حسینون
قلبیمی غمله داغلار حسینون
اوتلانان درگھی حسرتیله
گون باتان وقته باغلار حسینون
.
.
سویلیر گل باجی آغلیاق بیز
اشک حسرت یوزه با غلیاق بیز
سوز آچاق هجر اوتوندان بو ائوده
بو یانان سینه نی داغلیاق بیز
.
.
توش اولوب درده قلبیم هاچاندی
اوت دوتوب قلبیمون باشی یاندی
سن دی نوحه باجی آغلیوم من
گور حسیتون نئجه باغری قاندی
.
.
یاندیرار بو حسینون جهانی
سوزسه گر جام چشمینده قانی
بو سببدن اورک قان اولاندا
سسلیر دادینه لامکانی
.
.
.
#فاطمیه #احد_واحد_زاده #ترکی #فاطمیه_شهادت #زبدةالاشعار