زبدةالاشعار

عمه دل ترابیدن ظلم الی گوهر آختارور #اصغریه_نجمی_تبریزی

در جستجوی قوم نابکار نعش جناب علی اصغر را از زیر خاک کربلا
.
.
.
مرحوم نجمی تبریزی
.
عمه دل ترابیدن ظلم الی گوهر آختارور
نیزه لرین ویرور یره اصغری لشگر آختارور
.
.
جهد ایدور اشقیا تاپا چرخ وفا ستاره سین
عارضی منخسف اولان قانیله ماه پاره سین
نیزه باشیندا باشلارین آرتیرالار شماره سین
عرش جدایه کوفیان جلوه لی اختر آختارور
.
.
عمه گورولّه باشلارین واردی تمامی نیزه ده
خوش گورونور ستاره تک نظم و نظامی نیزه ده
اولماسا اصغرین باشی کسر اولی نامی نیزه ده
کوفه لیلر او علته نعشینی پیدر آختارور
.
.
دور ایلیوب گروه کین خیمه لرین کنارینی
بیرده ربابین ایتماقا قان دل داغدارینی
پرچم زلفی اسماقا نیزه ده شیر خوارینی
نوک سنانی ظلمیله فرقه کافر آختارور
.
.
بیله که سبقت ایلوری بیر بیره عمه کوفیان
یاللعجب توکولموری تپراقا جمله آسمان
زیر و زبر ندندی بس اولموری یرلر عمه جان
اصغری زیر خاکیدن قوم بداخترآختارور
.
.
اصغره دوتمیوب هله اصغر آناسی تعزیه
شوریله نیزه دارلر عرشی سالوبلا لرزیه
ظلمیله ذبح ایدوب باشین ویرماقا نوک نیزیه
نچه ستمگر و شقی بیر علی اصغر آختارور
.
.
سیر ایله بیر بو لشکرین کینه سینه جفاسینه
باعث اولوب جفالری آل علی نواسینه
آتشی گل ساچوب هره فخریله اوز جداسینه
حرمله غیطه ایلیوب غنچه احمر آختارور
.
.
گون الی اوسته ظلمیله عمه آخان ستاره نی
خاک سیه ده دفن اولان بیر در شاهواره نی
حلقی سه شعبه تیریله یاره لی شیر خواره نی
سعی و تلاش ایدور تاپا فرقه ابتر آختارور
.
.
هانسی ستم شعاریدن وار بولارین اجازه سی
خشک اولا شاهزاده نون قویموری خون تازه سی
چاره نه دور تاپولسا گر قارداشیمون جنازه سی
الده جدا بو اون نفر طفل مکدّر آختارور
.
.
بس دگی عارض مهین ایتدی بو قوم منخسف
شمس سپهر عزتی عمه ایدوبله منکسف
حلق علیّ اصغری ایلدیلر اوخا هدف
دویمادی ظلمیدن بولار کینه دیگر آختارور
.
.
آتش ظلمه عمه جان ووردی بو کوفیان اَتَک
آل علی او آتشه یاندی بو چولده تک به تک
بس دگی باتدی اصغریم چرخ وفاده نجم تک
قانلی جنازه سین ندن قوم ستمگر آختارور
.
.
.
#اصغریه_شهادت
#عمه_دل_ترابیدن_ظلم_الی_گوهر_آختارور
#ترکی #اصغریه #نجمی_تبریزی
#زبدةالاشعار
.

متن پیشنهادی:  الیمین عصاسی اکبر اوره گیم صفاسی اکبر #اکبریه_سیفی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی