استمداد حضرت قاسم علیه السلام
.
✍️ زبدة الاشعار ✍️
?: @nohe_torki
.
مهدی عبادی
.
عموجان هایانداسان گل
قاسمون دوشوب بلایه
آز قالور باشیم کسیلسین
نه اولور یتیش هرایه
قاسمم _یوخدی طاقت و توانیم_توکولور توپراقا قانیم
.
.
.
قارداشون حسن ئولندن
منه لطفون چوخ اولوبدی
اکبرین یولداشی گل گور
نجه گل کیمی سولوبدی
انتظار گوزلریم افسوس
عمو قانیله دولوبدی
بو یارالی قوشون ایندی
احتیاجی وار دوایه
قاسمم _یوخدی طاقت و توانیم_توکولور توپراقا قانیم
.
.
.
واردی دیلده چوخ ملالیم
مجتبی یتیمیم من
بیر سنه امیدوارم
گل منی قوتار بوغمدن
باشیمی کسور عموجان
ظلموله بو دمده دشمن
گل یوبانما باشیم اوسته
گلرم شور و نوایه
قاسمم _یوخدی طاقت و توانیم_توکولور توپراقا قانیم
.
.
.
بولدی تا لشگر کینه
عَلَوی هنرورم من
مجتبایه نور عینم
پور شیر داورم من
سسلدیم لشگره امّا
جان فدای اکبرم من
سالدیلار منی ایاقدان
تز یتم او مه لقایه
قاسمم _یوخدی طاقت و توانیم_توکولور توپراقا قانیم
.
.
.
رحم ایله عمو گوزومدن
توکولن بو اشک آله
قوم کینه جو بو چولده
منی سالدیلار ملاله
جسمیمی داغیتدی آتلار
دوشموشم اَسفلی حاله
آل منی قاتل الیندن
سال اوزون باشیمه سایه
قاسمم _یوخدی طاقت و توانیم_توکولور توپراقا قانیم
.
.
.
عموجان بو (بیکَس) ایتدی
منه اوز دردینی اظهار
الی بوش یوزی قرادی
اودی هی سیزیلدار آغلار
بولوسن خطاسی چوخدی
حشریدن همیشه قورخار
منه خاطر اونی بیرده
دعوت ایله کربلایه
قاسمم _یوخدی طاقت و توانیم_توکولور توپراقا قانیم
.
.
.
#سبک_عروسم_باشیما_کوللر_الندی
.
#قاسمیه_شهادت
#عموجان_هایانداسان_گل
#مهدی_عبادی
#ترکی
.
✍️ #زبدةالاشعار ✍️
?: @nohe_torki
نظر دهید