عمّه جان عموم گئتسه بارگاه اعلادن #امان_نامه_ثابت_اردبیلی

امان نامه
جوشی زنجیر
.
#زبدةالاشعار
.
: @nohe_torki
.
ثابت اردبیلی
.
عمّه جان عموم گئتسه بارگاه اعلادن
قویمارام کنار اولسون خیمه گاه اعلادن
.
.
باشینه دولانّام من فرقتینده یانّام من
آغلارام بو صحراده هاردا دالدالانّام من
دامن ابوالفضله ال آتوب اوتانّام من
ال چکر نجه اولدوز عمّه ماه اعلا دن
.
.
اصغری آپارّام من خیمۀ دخیلانه
یالوارام پریشان حال آغلارام یانا یانه
شمع رویونه اولّام خیمه لرده پروانه
ال چکر وزیر آیا عمه شاه اعلادن
.
.
باشینه تصدّق من ایلرم بو قزلاری
گورسه حضرت عبّاس اودلانان دوداقلاری
آغلارام اؤپم فی الحال گل کیمین ایاقلاری
ایسترم کمک عمّه دادگاه اعلادن
.
.
قویمارام عموم گئتسون چون وزیر شاهیمدور
سدّ راه ایدن عمّه خیمه گهده آهیمدور
مهربان ابوالفضلیم بیر ایشیقلی ماهیمدور
گئتمه سون کنار عمّه بو سپاه اعلا دن
.
.
گئتسه گر عموم عبّاس خائنان اولار دلشاد
کیم بیزه کومک ایلر ایلرم بی بی فریاد
اکبرون کسر باشین قتلگاهده جلّاد
گئتسه لشگری شاهون بارگاه اعلادن
.
.
اهل بیت اطهاره پاسبانیدور عبّاس
دشمنون جفاسیندن باغری قانیدور عبّاس
شاهیمه بو صحراده جانفشانیدور عباس
ناله عرشه قوزاندی خیمه گاه اعلادن
.
.
.
#امان_نامه_ثابت_اردبیلی
#عمه_جان_عموم_گئتسه_بارگاه_اعلادن
#ترکی
.
#زبدةالاشعار
.
: @nohe_torki