هوای حسین …
.
✍️ #زبدةالاشعار ✍️
.
🆔: @nohe_torki
.
حضرتی آذرشهری
.
هوا هوای محرم، هوا هوای حسین
دیلیمده آیری سوزوم یوخ به جز، نوای حسین
.
نه فرقی واردی دیئه م جان سنه فدا، یا کی
خدا کند که بمیرم، فقط برای حسین
.
آنام دیل اورگه دنی، اورگدیب سنه قربان
دئییبدی دم به دم اوغلوم ده جان فدای حسین
.
اوشاقلیقیمدا یادیم دا، غدیر رد اولجاق
توانیمیز اولانی، الده بیر لوای حسین
.
دوشردوخ عشقیله کوچه به کوچه گون باتانی
شیرین دیلیله دیردوخ امان و وای حسین
.
بو عشقی ساتمارام عالملره، قوجالسامدا
ئولونجه باشدا گزیر شوق نینوای حسین
.
دئیون طبیبه باشیم اوسته گلمه، ئولسمده
مریض عشقه روادی فقط دوای حسین
.
من عاشقم دلی دیوانه یم، یازون آدیمی
ئولنده قبریمین اوستونده مبتلای حسین
.
سینم یاریلسا گورسوز که قانلی بیر الیله
اورکده نقش اولونوب نقش کربلای حسین
.
نه کربلا که ائدر عرشه ناز، فخریله
قویولدی سینه سی اوسته اوگون کی پای حسین
.
خدابهشتیده باب الحسینه فخر ائلیور
که یعنی هر ایکی دنیاده وار صفای حسین
.
کیم ائتسه عهد حسینه وفا بو دنیاده
یقین که شامل حالی اولار وفای حسین
.
ئولنده حتمی یولون گوزلرم که بیر عمری
اورکده گوزلمیشم تا گله عزای حسین
.
ائدنده اوغلی اوشعر قدیمی دفن، گوروب
که کم دی وزن تنینده نئچه هجای حسین
.
سوزون چیخیر داهی نظم و نظامیدن «هاتف»
شُعوریوله سیخیشماز غم و بلای حسین
.
.
#حسینیه_حضرتی_هاتف
#حسینیه_مدح #ورود_محرم
#هوا_هوای_محرم_هوا_هوای_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید