زبدةالاشعار

عنایت ایله الهی که بختیم اولسون یار #رضویه_سعدی_زمان

حالات حضرت امام رضا علیه السلام
.
.
.
مرحوم حسینی سعدی زمان
.
عنایت ایله الهی که بختیم اولسون یار
اولوم دوباره خراسان غریبینه زوّار
.
گوزیمده جلوه لنور نور پاک شمس شموس
امام ثامن و ضامن، غریب خطّه ی طوس
.
مخیّر ایلسه لر من بهشتی ایستمرم
بو شرطیله او غریبین ایدم مزارینی بوس
.
چکم ضریحینی آغوشه باشینه دولانام
اولام عقوبت دارُالقَراردن محروس
.
دویونجا بیر گوزی یاشلی دولانماسام باشنا
وارام همیشه بلا و مصیبته مانوس
.
بو آرزو ولی چوخ قورخورام گوزیمده قالا
اُلونجه شغلیم اولا آه و ناله و افسوس
.
اگر گوزوم یاشی سوندورمَسه بو حسرت اودین
شرار حسرت ایدر جسم و جانیمی مرموس
.
توجّه ایتسه اوزی سرگذشتینی یازارام
که اَزبر اولسون اَقالیمده بو نحو دروس
.
آناسی نجمه، آتاسی امام موسادور
اوزی امامدی بحر علومده مغموس
.
آدی علیدی ولیکن رضا ملقّب دور
رضادی اوندان عدوّ و صدیق جمله نفوس
.
تولّدینده بونون اختلاف ایدوب علماء
معیّنه گونه واردور خبرلرینده طُموس
.
ربیع الاوّل و ذی الحجّه ده یازور بعضی
بلی سودوتماقا عالمده مختلفدی طسوس
.
قویوب بو عالمه ذی القعدین اون بیرینده قدم
منوّر ایلیوب آفاقی نور شمس شموس
.
بو شاه دینیله مامون دون معاصریدی
خیال ایدوب اونا بلکه امام اولا مرئوس
.
قوام سلطنته گوردی مقتضی گورونور
امامی والی عهد ایلیه او بی ناموس
.
یازوب مدینیه گَل یا ابالحسن مروه
غریب امام بُلوب وار نه حیله و سالوس
.
یغوب حرملرینی باشینه وداع ایلدی
دیدی بُلون که حیاتیمدن اولموشام مایوس
.
گورون دویونجا منی بیرده گورمه سوز بُلورم
لباس مرگیله اولّام بو یولدا من ملبوس
.
عیالینی گوزی یاشلی قویوب یولا دوشدی
اولوردی چون اُلوم آثاری اول شهه محسوس
.
گَلوبدی روضه ی پیغمبره- گوزینده ولی
ایدردی جلوه بلیّات چون پر طاووس
.
او قدر آغلادی حالی پوزولدی عرض ایلدی
بابا بدنده اولوب روحیمون قوشی محبوس
.
مجاور اولماقا قویمولّا، جبراً‌ آیریلورام
اولور گوگلده بُلورسن نهال غم مغروس
.
دوشوب بو فکره منی زهریله شهید ایلسون
دیار طوسیده مامون حیله ساز و عبوس
.
منی مُخلّ ریاست بُلور و حال آنکه
منیم گوزیمده برابردی سلطنتله فُلوس
.
نجه شبیهیدی جدّی حسین مظلومه
بونون بو حالتی ای خالق عقول و رئوس
.
ایدنده کوچ امام حسین یثربدن
چالندی طبل رحیل، عرشه چخدی ناله ی کوس
.
حضور حضرت پیغمبره مشرّف اولوب
ضریحینون قاباقندا ملول ایتدی جلوس
.
دوشندی قبرینه عرض ایلدی بابا گیدورم
چتیندی بیرده حسینون ایده سنه پابوس
.
حسینی دعوت ایدوب بیعته یزید پلید
بو فکریله یتیشه سعده طالع منحوس
.
باشیم کسیلسه یزیده باش اگمرم بابا من
قبیح دور منه بیعت، ولی قتال ملوس
.
منیم بو دیدیمه بیر بازدید لازمدور
بو رسم عالمی سن ایتمسن بابا معکوس
.
یارالی باشیمی گَل گورماقا کلیسایه
ویرنده سس بابا تکبیر صوتیمه ناقوس
.
او قدر ظلم ایده جاق باشیمه مسلمانلار
گورنده آغلیاجاقدور یهود و گبر و مجوس
.
حسینی مطلبیوی ثامن الائمّه دن آل
اگر قراریوی اَلدن آلوب زیارت طوس
.
رضای حقدی رضاسی، عنادی قهر خدا
دگُل یادوندا نجه محو اولدی دولت روس
.
#رضویه_میلادیه
#رضویه_مدح
#رضویه_شهادت
#سعدی_زمان #رضویه
#عنایت_ایله_الهی_که_بختیم_اولسون_یار
#گوزیمده_جلوه_لنور_نور_پاک_شمس_شموس
#چهارده_معصوم_حسینی ص 285
#ترکی
#زبدةالاشعار

متن پیشنهادی:  آیت سبحان ما یاحسن العسکری #عسکریه_مژده_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی