عید #مبعث
.
✍️ #زبدةالاشعار ✍️
.
🆔: @nohe_torki
.
مرحوم #نادری
.
عید مبعث دور آچوب گل گلشن و گلزاره باخ
تهنیت آواسی دوشموش کوچه و بازاره باخ
.
.
بو همان گوندور گلوب سَس کعبۀ مقصودیدن
«اِقرأ باسم یا محمّد» امر اُولوب معبودیدن
اختیار آلدی بو سَس چون احمد محمودیدن
جلوه لنمیش مطلع نور خدا انواره باخ
.
.
کوه حرّاده گوروب احمد، احد نورین عیان
عالم معناده سَس سالمیش ندای آسمان
غار ایچینده یاره ایستور یار اوزون وئرسین نشان
سَسلیَن اوز «یارینی» اغیار ایچینده «یاره» باخ
.
.
جذبه ی شوق وصال یار اونی مدهوش ایدوب
عکس یاری صفحه ی قلبینده تئز منقوش ایدوب
وصلت ایّامین گوروب معبودینه کُرنوش ایدوب
درک ایدن میزان وصلی سرعت معیاره باخ
.
.
لحظۀ شوق وصال ائتدی وجودین ملتهب
هیبت وحی الهیدن دوتوب اعضاسی تب
حق نداسیندن پریشان اولدی بوجهل و بولهب
قدرت یزدانیلن دعوا ائدن اغیاره باخ
.
.
شعلۀ مصباح حقدن نورآلوبدور ماسوا
گئتدی جهل و جؤر ظلمت باش وئروب شمس الضّحا
ختم مرسل آدلانوب عالملر ایچره مصطفا
مجری جکم الهی احمد مختاره باخ
.
.
اولین عورت خدیجه ائتدی اسلامی قبول
مظهر توحید علی عرض ایلدی سن سن رسول
لیک اشراف قریش ائتدی رسولی چوخ ملول
ایلین ایذا اذیّت فرقۀ بی عاره باخ
.
.
جملۀ « ما اوذیه » جاگیر اولوب اذهانیده (1)
هر بلا چکدی ولی سست اولمادی پیمانیده
گوردی یوخ رحم و مروت ذره جه عدوانیده
قالدی صحرالرده بئش ایل ذلّت و آزاره باخ
.
.
مسکنی گاهی «شعاب» اولدی زمانی کوهسار
گاهی قبرستانه پیغمبر اولاردی رهسپار
گه یاتاردی قبر ایچینده گه اولاردی سنگسار
سن اشدّ کفره باخ افراط ائدن اشراره باخ
.
.
روبرو اولجاق منافق لر ووراردی مشتلن
آیری بیر مشرک گلوب حمله ائدردی خشتلن
توهینه ایلردی او بیدین لر کلام زشتلن
نورلن ظلمت جهاندا ائتدیگی پیکاره باخ
.
.
بالاخص فاتح گلوب اول سیّد عالی نسب
سورۀ تبّت یدانی گوردی خوار اولدی لهب
بعد اذا جاء گلوب اسلامه افواج عرب
پرچم نصر من اللهی آچان سرداره باخ
.
.
باعث ایجاد عالم ویردی اسلامه رواج
دینه تسلیم اولمیاندان مسلمین آلدی خراج
گیتدی نیرانه لَهبلر قالدی سفیان لاعلاج
احمد مُرسل ایدن اعجاز و یا اسراره باخ
.
.
هر یره اسلامیان عزم ائتدی فاتح چخدیلار
دشمن دینون گلوسین منجنیقه سخدیلار
عبدویدی ئولدوروبلر باب خیبر ییخدیلار
دینه پرچمدار اولان بیر حیدر کرّاره باخ
.
.
فتح اولاردی هر یره قویسیدی گر حیدر قدم
لافتی الا علی لا سیف دور تیغ دو دم
صف پوزوب دشمن قیروب تا که یاتورداردی علم
قطبین اطرافینده جولان ایلین پر کاره باخ
.
.
لات و عزّانی ذلیل ائتدی رسول ممتحن
کتفینه قویدی قدم مولا علی شاه زمن
بتلری توکدی یره قالدی آدی تا بت شکن
یار پیغمبر اولان هم قاتل کفاره باخ
.
.
رفرفیله عزم ائدن سیر سماواته رسول
دین یولوندا هر بلا گلدی اونی ائتدی قبول
همدم اولموشدی اونا آخر زمانینده بتول
تاپشوروب مندن امانتدور در شهواره باخ
.
.
یا رسول الله عجب امت امانت ساخلادی
گور نجه خیبر یخان قولّاری دشمن باغلادی
قلب زهرانی او گون اعداء ستمله داغلادی
سینه ی زهرانی آماج ایلین مسماره باخ
.
.
اود ووروب ثانی بتولین اول گونی درگاهینه
ماسوا یاندی او دَم زهرای اطهر آهینه
یوز دوتوب زهرا دیسون دردین ولی اللهینه
گوردی قول باغلی علینی دشمن غدّاره باخ
.
.
گر چه اون بش قرندور مبعوث اولوب خیرالانام
خلق ایچینده عید مبعث ایلیوب ایللر دوام
هر ایلی شاهلار وئرر مبعث گونونده بار عام
قل کفانین مبعثین تجلیل ائدن ادواره باخ
.
.
وار حقیقتده بو قدرت گون به گون تاپسین جلا
باطله یوخدور بقا گر ظاهراً ابقا اولا
چخمیوب یاددان یقین چیخماز غریب کربلا
باغلیدور یوللاری گر چه گئت اورا زوّاره باخ
.
.
«#نادری» بایرامدی یاز اسلامیانه تهنیت
مبعث ختم رسلدور روز عید و مغفرت
رحمت للعالمیندور سنده غرق معصیت
روز محشرده شفاعت ایسته بو حضاره باخ
.
(1) «مَا أُوذِی نَبِی مِثْلَ مَا أُوذِیت ؛ هیچ پیامبری مثل من اذیت نشد.»
.
#عید_مبعث_دور_آچوب_گل_گلشن_و_گلزاره_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید