حالات حضرت زهرا (س)
.
✍️ #زبدةالاشعار ✍️
.
🆔: @nohe_torki
.
رحیم سلمانزاده (سالک)
.
غسل ائدوب فاطمه نین جسمینی تا شاه جهان
بوکدی جسمین کفنه پیکرینی ائتدی نهان
کفنین باغلادی بندین ولی دلدن نگران
صورا سسلندی فغانیله حسین و حسنین
ام کلثومینی هم زینب غرق محنین
.
.
گلون ای غرق محنّلر بیزیچون جان گئدوری
ظلم دشمندن اولان گوزلری گریان گئدوری
آتاسی حضرت پیغمبره مهمان گئدوری
چون مسافردی آناز توکمیون اشک تریزی
دم آخرده گلون بیرده گورون مادریزی
.
.
گلدیلر اللری قوینوندا او نالان بالالار
غصۀ فاطمه دن زار و پریشان بالالار
آنا وای سسلدیلر دیده سی گریان بالالار
غرق اندوه و غم اولدوقجا ئورک داغلادیلار
ائتدیلر آه و نوا شدتیله آغلادیلار
.
.
بیری سسلردی گوزوندن منی گل آتما ننه
گوزومون یاشین اورک قانیمیلن قاتما ننه
گوزون آچ مغسلون اوستونده بئله یاتما ننه
دیله گل منله دانیش ای گوزومه نور بصر
قویما آغلار الی قوینوندا بیزی ائتمه سفر
.
.
بیری سسلردی که من زینب غرق محنم
بیری سسلردی فغانیله دیردی حسنم
او کی گوردی یوزوه سیلی دگوبدور او منم
کوچه جریانی دوشور یادیمه دلدن یانورام
غم و محنتلریوه شعله چکوب اودلانورام
.
.
بیری اما او زمان گلدی دئدی زار و غمین
یاندیرار قلبیمی دنیا بویی درد و المین
صورا قویدی ئوزونی ئوپدی مبارک قدمین
دئدی عرض ایلمورم آه و نوایه ننه گل
اولسا امکانون اگر کرب و بلایه ننه گل
.
.
دئمورم دوره می دشمنلر آلاندا گله سن
یئر گویه اهل جفا لرزه سالاندا گله سن
صود امر اللریم اوستونده قالاندا گله سن
دیورم ایله کرم عطر گلِ یاسیمه گل
یخیلان وقتیده باش چکماقا عباسیمه گل
.
.
ظلمه دشمن تلسن وقتیده سن گلمه ننه
باشیمی شمر کسن وقتیده سن گلمه ننه
قورخودان قیزلار اسن وقتیده سن گلمه ننه
دیمورم چکماقا باش پیکر بی جانیمه گل
خولینون مطبخینه شام غریبانیمه گل
.
.
(سالک) درگهیوه لطفوی ارزان ایله
سن کرم صاحبی سن سائله احسان ایله
دردینه عالم امکانیده درمان ایله
یاده ائدر چونکه سنون صبح و مسا غملریوی
دولانار عمری قدر مجلس ماتملریوی
.
.
#فاطمیه_شهادت
#غسل_ائدوب_فاطمه_نین_جسمینی_تا_شاه_جهان
#رحیم_سلمانزاده
#ترکی
.
✍️ #زبدةالاشعار ✍️
.
🆔: @nohe_torki
نظر دهید