غمونده فاطمه جان روز و شب پریشانم #فاطمیه_قاسم_ملایی

زبانحال حضرت علی (ع) بر سر مزار حضرت زهرا (س)
.
.
.
قاسم مُلایی نوشهری « صمیم »
.
غمونده فاطمه جان روز و شب پریشانم
شکسته دل، دل شب قبرون اوسته مهمانم
.
سوروشسالار نیه یوخدور سنه ایوینده قرار
جواب ویرَّم اسیر فراق جانانم
.
سوروشسالار ندی بو چشم اشگباره سبب
جواب عرض ایدرم توش تیر هجرانم
.
سنون غمونده بهاری بولود کیمین گوزدن
گوزوم یاشین توکرم آغلارام پریشانم
.
سنه نقدری علاقه واریمدی آگهسن
محبتونده بلورسن که شمع سوزانم
.
نقدری غم یتیشدی مگر من آغلاردیم
نه ماجرادی که ایندی بو قدر گریانم
.
محبت عالمیدور آغلادان منی زهرا
غم فراقیدور علت که بیله نالانم
.
سنیله منزلیمون ذوقیله صفاسی گیدوب
بجادی گر، دیم ایندی که خانه ویرانم
.
آدامسیزام داخی سنسیز یوخومدی بیر غمخوار
بو قدر وار دیه بولَّم غریب دورانم
.
#صمیم یازدی بو ابیاتی چوخ اولوب محزون
ایدردی ناله که من غرق بحر عصیانم
.
شفاعت ایستدی بیزدن گوزینده گوز یاشی
بیلوب عمل لره محشر گونونده میزانم
.
.
.
#فاطمیه_شهادت
#غمونده_فاطمه_جان_روز_و_شب_پریشانم
#قاسم_ملایی
#ترکی
.
.