غمونده یا علی سکان افلاک برین آغلار #حیدریه_صحاف_تبریزی

در شهادت حضرت علی (ع)
..
..
..
..
مرحوم صحاف تبریزی
..
..
..
..
غمونده یا علی سکّان افلاک برین آغلار
اولوب ماتم سرا عرش خدا روح الأمین آغلار
..
آچوب باش خاتم پیغمبران فردوس اعلاده
عم اوغلوم وای دیر جنّتده زهرا حور عین آغلار
..
سالوب باشه قرا زینب ایدر گوز یاشنی جاری
چکر آه اوسته دلدن آہ کلثوم حزین آغلار
..
گیوب ماتم لباسی مجتبی محزون و دل افکار
توکر رخسارینه اشگین اولوب ماتم نشین آغلار
..
حسینون وای بابام وای ناله سی اوج ایلیوب عرشه
عمامه الده پوزقون سینه سوزان دل غمین آغلار
..
باخار زینب حسینون حالینه نی تک گلور داده
گورر ابر بهاران تک توکر اشگ ترین آغلار
..
دیر قارداش حسین گلمه فغانه ایلمه شیون
سنون احوالوه غمگین اولوب عرش و زمین آغلار
..
حسین سن آغلاما سن آغلیاندا انبیا آغلار
آچار باش جنّت المأواده ختم المرسلین آغلار
..
گرک قارداش سنون احوالوه قان آغلاسون عالم
نه عالم بلکه سن حفظ ایلین دین مبین آغلار
..
سنه بیر ظلم ایده لر کربلاده روز عاشورا
غمونده حشر اولونجا مؤمنین و مشرکین آغلار
..
گورنده پاره پاره اکبرون نعشین قوری یرده
اولور تحریردن عاجز کرام الکاتبین آغلار
..
ایده للر قاسمین طوی حجله گاهین مجلس ماتم
یاخار داماد قانین زلفنه تازه گلین آغلار
..
اوپنده اصغرون تشنه بوغازین ناوک پیکان
چکر کرّوبیان سوزیله آه آتشین آغلار
..
وفالی قارداشون قولسوز یخوب دشمن کسر باشین
ئولونجه وای اباالفضلیم دیر أم البنین آغلار
..
کسنده باشوی شمر دنی ضربتلنن باشین
آچار گوزون توکر قان یاش امیرالمؤمنین آغلار
..
نه یالقوز شیعه لر «صحّاف» بو غمده اولوب گریان
بو غم بیر غمدی خلق اولین و آخرین آغلار
..
..
#حیدریه #صحاف_تبریزی #حیدریه_شهادت #ترکی #زبدةالاشعار