گینه ماه رمضان گلدی اورک تاپدی صفا #مناجات #ستار_رزاقی

#ماه_رمضان
.
✍️ #زبدةالاشعار ✍️
.
🆔: @nohe_torki
.
ستار رزاقی تبریزی
.
گینه ماه رمضان گلدی اورک تاپدی صفا
اولاجاق جانب حقدن بیزه احسان و عطا
.
اسدی رحمت یلی بو آیدا جهانه یکسر
نور ایمانیله مملودی ارضیله سما
.
نه گوزل آیدی کی افضلدی هامی آیلاردان
آدلانوبدور اودی خلق ایچره بو آی ماه خدا
.
نازل ایلوبدی همین آیدا خدا قرآنی
تا ایده بنده لرین دردینه بو نوعی دوا
.
حق بو آیدا قاپیسن خلق اوزونه باز ایلیوب
نار دوزخدن ایده بنده لرین تاکی رها
.
حق بو آی شیطانی دوزخده ایدیبدور محبوس
سنده سعی ایله گناه ایتمه ایله حقدن ابا
.
خالقین امرین اطاعت ایلماق واجبدور
ایلمه آج سوسوز الماخلیقیوا آه ونوا
.
آج سوسوزلوق سنی گر زحمته سالسا صبر ایت
سنه امداد ایده تا خالق اوزی روز جزا
.
هر قدر فرصتین اولسا اوخی قرآن چونکی
کل قرآن یازیلار آیه سینه بو آیدا
.
ضعفانون دوت الیندن وار اگر امکانین
تاکی سندن اولا خالق ایکی دنیاده رضا
.
اللهین ویردیقی نعمتلره خاطر شکر ایت
نمازین قیل اوروجون دوت اوزوه ایتمه جفا
.
خواب غفلتدن اویان بیل شب قدرین قدرین
صدقیله قوی اوزوی تپراقا قیل حقه دعا
.
عرشیدن فرشه گلور فوج ملایک او گجه
خلق ایچون تاکی مقدر اولان احکامی یازا
.
حرمتین ساخلا کی برتردی مین آیدان شب قدر
وار نیازین بونی بیل گر اولاسان شاه وگدا
.
سنده .رزاقی .بو آی آچ الیوی درگاهه
وار یقینیم سنه ده خالق ایدر لطف وعطا
.
#رمضانیه
#گینه_ماه_رمضان_گلدی_اورک_تاپدی_صفا
#ترکی
.
✍️ #زبدةالاشعار ✍️
.
🆔: @nohe_torki