اربعین
.
✍️ زبدة الاشعار ✍️
.
🆔: @nohe_torki
.
حاج غلامرضا عینی فرد زنجانی
.
غم قافله سی دشت غم افزایه یتیشدی
قوزاندی نوا عرش معلّایه یتیشدی
.
زنجیر ستم پاره لنوب غصّه لی قیزلار
اوزتوزلی، ئورک داغلی، او مأوایه یتیشدی
.
بیر عده ستم دیده اوغولسوز آتاسیزلار
آغلارگوزیلن قورخولی صحرایه یتیشدی
.
ششگوشه لی قبره بالالارایله دوشندی
بلبل دیه سن گلشن زیبایه یتیشدی
.
معلوم اولوب اصغر یری دل داغلی ربابه
اکبرده ایاق سمتیده لیلایه یتیشدی
.
کلثوم سراغ ایتدی ابوالفضل مزارین
بیر باجی حسینه بیری سقّایه یتیشدی
.
یورقون بالالارآغلامادان آز قالوب ئولسون
فریاد وفغان گنبد مینایه یتیشدی
.
آتلارایاقی آلتدا قالان قاسم ناشاد
وحشتلی بیاباندا سریایه یتیشدی
.
بیلمم نه یازوم تازه گلین فاطمه دن من
یازمام نه ستم اول گل طاهایه یتیشدی
.
نوحه یلن اولار مجلس ترحیم مزین
نوحه دیماق اول زینب کبرایه یتیشدی
.
سرکرده لری زینبیدی حیف قوجالدی
تا مرقد ششگوشۀ مولایه یتیشدی
.
زینب نجه گلدی دیورم حقّین ادا ائت
آچمام سوزی قصدیم فقط ایمایه یتیشدی
.
بیردن دیدی ای وای یارالی یارهلی گلدیم
ناله ایلدی ناله سی بطحایه یتیشدی
.
فکر ایله خانم هاردا؟هایاندا یارالاندی
ایله یارالاندی اودازهرایه یتیشدی
.
هر لخ بوداقی گز سه آنا قیزدا گزرمش
دوز دور بو مثل قیزاوشاق، امّایه یتیشدی
.
برنامه سینی باشلادی شرح ایتماقا زینب
عرض ایتدی حسین سوزلرون اجرایه یتیشدی
.
اعلان ایلدیم عالمه برنامه وی قارداش
صبر ایتدی باجون رتبۀ اعلایه یتیشدی
.
باشیمدان حسین سایه وی قرخ گوندی کسوبسن
قبروندن آغارموش باشما سایه یتیشدی
.
ششگوشه لی قبرون باشیناایندی دولانّام
باشیم اوجالوب عرش معلّایه یتیشدی
.
.
.
تکیه ایلدیم قبریوه یورقون گلورم من
دیندیر منی آل گوگلومی پوزقون گلورم من
.
.
.
زینب بو گوزل قبریوه پروانه گلوبدی
بیرخادمه دور خدمت سلطانه گلوبدی
.
ای ساقی کوثر بالاسی شامه گیدنلر
بو میکدةوحدته مستانه گلوبدی
.
ای نیزه باشندااوخیان آیۀکهفی
بیر تازه روان پیکر قرآنه گلوبدی
.
سن کربوبلانی ایلدون جنّت الاعلی
حوریلر حسین روضۀرضوانه گلوبدی
.
رسوا ایلدیم ابن زیادیله یزیدی
غیظه روشیمدن ایکی دیوانه گلوبدی
.
اللردن حسین جان سویولان کوینگون آلدیم
بو کوینگیلن زینبون افغانه گلوبدی
.
دور عترتیوی شامدن آزاد ایلدیم من
قبرون باشیناهامیسی پروانه گلوبدی
.
اما خجل اولدوم بیرامانتدن حسین جان
فریاده ئولنده بالا، ویرانه گلوبدی
.
آغوشه یارالی باشیوی آلدی رقیه
بلبل کیمی چرپندی اودم جانه گلوبدی
.
سن تک اوبالاشامده جان ویردی کفن سیز
چوخ محنت وغم جمع پریشانه گلوبدی
.
.
.
تیر محن آخر او قیزون قلبینی بولدی
حیف اولسون حسین مرقدیوی گورمدی ئولدی
.
احیا ایلین مکتب قرآنی سن اولدون
رنگین ایلین قانیله صحرانی سن اولدون
.
قول باغلی گیدن کوفه وشاماته من اولدوم
امضاءایلین بیر بله پیمانی سن اولدون
.
دل توش ایلین تیر بلیاته من اولدوم
دلدن چکن اوچ شعبه لی پیکانی سن اولدون
.
مقتلده دوتان خنجر برّانی من اولدوم
تپراقلاراحنجردن آخان قانی سن اولدون
.
قارداشلاری اللرده ئولن باجی من اولدوم
گوزدن سالان اطفال پریشانی سن اولدون
.
ظلمیله یانان خیمه وخرگاهی من اولدوم
مقتلده چاتان بجدله احسانی سن اولدون
.
غارتده تاپان دربدر اطفالی من اولدوم
دنیایه سالان بیر بله طوفانی سن اولدون
.
وحشتلی گجه صبح ایلین بوردا من اولدوم
خوار اولدی او که شام غریبانی سن اولدون
.
احرام اسارت سالان عشقیله من اولدوم
آزاده لرون رهبر و سلطانی سن اولدون
.
دفن ایلمین جسم شهیدانی من اولدوم
داش، نیزه، قلج، آتداچخان جانی سن اولدون
.
باشون دوشوب آردیجا گیدن شامه من اولدوم
آواره ایدن زینب کبرانی سن اولدون
.
لیلا و ربابی آپاران شامه من اولدوم
مجنون ایلین غمزده لیلانی سن اولدون
.
سجّادون حسین یولدا پرستاری من اولدوم
بو سلسله نون اصل نگهبانی سن اولدون
.
آهو کیمی صیاده گرفتار من اولدوم
مقیودگورن غصّه لی نسوانی سن اولدون
.
زندانی اولان زادةمرجانه من اولدوم
خولی ایوینین بیرگجه مهمانی سن اولدون
.
.
.
هیچ فکر ایلموردوم بو یره بیرده گلم من
ویرانه ده یولّاردا دیدوم بلکه ئولم من
.
.
.
قارداش باجیلیق رسمی اولارمیش بله قارداش
قبرین داشینی ساچلاریم الآن سیله قارداش
.
قدّیم بوکولوب باش آغاروب فکر ایلمزدیم
زینب بو بیابانه دوباره گله قارداش
.
قرخایاخون اطفال حسین قرخاگلوبدر
قورخوم بودی قرخندا ربابون ئوله قارداش
.
ای کوینگی اللرده قالان دور سنه قربان
گلدی بو چوله شامه گیدن قافله قارداش
.
نامحرم حسین یوخ باش آچوخ آغلارام ایندی
گلدی باجون هم آغلیا، هم دینجله قارداش
.
گتدیم سو سپم گوزیاشیلان قبریوون اوسته
شرمنده ایدم آب فراتی بیله قارداش
.
گچدی ئورگیم گچدی باشون نوک جدایه
دوشدوم باشیوون آردیجاچولدن چوله قارداش
.
وار علتی یاردوم باشیمی کوفه ده نیلوم
گوردوم بلشوب نیزه ده باشون کوله قارداش
.
چوخدوریارام آلنیم یاراسین فاش ایلدیم من
قالسون یارالارکوینگون آتدا هله قارداش
.
غسّاله منه غسل ویرنده بیله جکدور
هانسی یارلار زینبی گتدی دیله قارداش
.
ویرانده بیر بلبل حسین ئولدی قفسده
ئولدوردوله گون وئرمدیلربلبله قارداش
.
ویرانه ده ئولدی بالاوون قبرینی قازدیم
نه هفته دوتا بیلدیم اونا نه چله قارداش
.
.
#اربعین
#غم_قافله_سی_دشت_غم_افزایه_یتیشدی
#عینی_فرد
#ترکی
.
✍️ #زبدةالاشعار ✍️
.
🆔: @nohe_torki
نظر دهید