غم کاروانی چون یتوب کرببلایه #اربعین_عاجز_زنجانی

اربعین
.
#زبدةالاشعار
.
: @nohe_torki
.
#سبک_ای_درد_بی_درمانلارا …
.
مرحوم حاج عبدالحمید عاجز زنجانی
.
غم کاروانی چون یتوب کرببلایه
گلدی حرم آهولری نی تک نوایه
.
.
زینب اوزین سالدی او ششگوشه مزاره
درد دلین عرض ایلدی اول شهریاره
نیسان کیمی گوز یاشینی توکدی عذاره
دوشدی تزلزل گوئیا عرش خدایه
.
.
عرض ایلدی قارداش باجون گلدی سفردن
آخر قوتولدی زینبین خوف و خطردن
من سرگذشتیمدن دیوم سن یاره لردن
بُلمم نجه تاب ایلدون سانسیز یارایه
.
.
آیا ساغالموش اُول جوان اکبر یاراسی
یا واردی قلبینده علی اصغر یاراسی
عبّاس و فضل و قاسم و جعفر یاراسی
قالسون بو مطلب ای حسین روز جزایه
.
.
گلمور ندن پیشوازیمه قولسوز علمدار
سالموش ندن گوزدن بیزی لب تشنه سردار
گلدوق دیار شامیدن با چشم خونبار
مشتاقیدور باجیلارون صاحب لوایه
.
.
ایستور رباب اُول اصغر شیرین مقالی
گیتموش الیندن غنچۀ بزم وصالی
اولموش فراقیندن اونون پژمرده حالی
دور ویر تسلّی لطفیله اول مه لقایه
.
.
سندن صورا قارداش یانار اودلاره یاندیم
گلدیم دالینجا کوفه و شامی دولاندیم
باشیمی ووردوم محمله قانه بویاندیم
باشین اولان دمده هدف سنگ جفایه
.
.
سن بیر گئجه یاتدون حسین خاکستر اوسته
قالدیم یانیق اخیامیده من دلشکسته
گئتدوق دیار کوفیه بیز دست بسته
صبر و تحمّل ایلدوق هر ماجرایه
.
.
آخر وداعینده منه ای کان غیرت
تاپشوردون اهل بیتیوی قارداش امانت
قالدی قزین ویرانه ده آرتوردی محنت
جان وئردی غربتده گیدوب دار بقایه
.
.
هر روز و شب «عاجز» سنه اولموش عزادار
قیل دردینه چاره ایا سلطان ابرار
حضّاریله ششگوشه قبره ایله زوّار
بیر وقفه ای عازم اولاق کرب و بلایه
.
.
#اربعین_عاجز_زنجانی
#غم_کاروانی_چون_یتوب_کرببلایه
#ترکی
.
#زبدةالاشعار
.
: @nohe_torki