زبانحال حضرت ام البنین (س)
.
✍️ زبدة الاشعار ✍️
.
🆔: @nohe_torki
.
#جمال_حبیبی_زنجانی
.
#سبک_بزم_عزاده_گیمیشم
#سبک_ممد_نبودی_ببینی (واگیر: آه و واویلا … )
#سبک_بر_کشتگان_نینوا_اربعین_آمد
#سبک_ای_دلبر_آزادگان
.
غیرتلی پرچمدار دین، یا ابا فاضل
جان اوسته دی ام البنین، یا ابا فاضل
کربلا اصلانی
قوللارون قربانی
.
.
.
گل هارداسان جان اوسته یم، مهربان اوغلوم
حالیم یاماندی ناخوشام، قهرمان اوغلوم
تئز گل اوجا قامت بالا، پهلوان اوغلوم
پور امیرالمؤمنین، یا ابا فاضل
.
.
.
گولدن گوزل آیدان ایشیق، منظرون قربان
انّی اُحامی سسلین، لبلرون قربان
نهر فرات اوسته دوشن، اللرون قربان
اولدون علمدار امین، یا ابا فاضل
.
.
.
سال بیر گذارون یثربه، کربلا شیری
آل عبا سقّاسیسان، تشنه لر میری
جرعه سووا مهمان ایله، مادر پیری
عطشانم و زار و حزین، یا ابا فاضل
.
.
.
کیم گورسه پوزقون حالیمی، سینه سون داغلار
ای وای بالام وای سسله سم، عرش و فرش آغلار
سن گلمه سن بو گوزلری، ایمدی کیم باغلار
عبدالله اولدی دلغمین، یا ابا فاضل
.
.
.
برج وفاده سیر ائدوب، آی کیمی باتدون
دریای غیرت ساحلِ، نهریده یاتدون
اولما گوزوندن بو قوجا، مادری آتدون
عشقون منه حبل المتین، یا ابا فاضل
.
.
.
من آتش هجرانیوه، یاندوم اودلاندوم
نار غمینلن اود دوتوب، هی الولاندوم
کنج بقیعده عشقیوه، آغلادوم یاندوم
گل ای امیرالعاشقین، یا ابا فاضل
.
.
.
ای عترت پیغمبرون، یار و غمخواری
کربُ بلا سالارینون، تشنه سرداری
مولا حسینون جان بکف، صف شکن یاری
فرزند فتّاح حنین، یا ابا فاضل
.
.
.
ای زادۀ مشگل گشا، دوشموشم درده
عفو ایله بو درد دلیم، اولدی بی پرده
قویما ایشیم دوشسون منیم، مرد و نامرده
محبوب ربّ العالمین، یا ابا فاضل
.
.
.
ای قوللاری تندن قلم، آی ابوالفضلیم
باب الرّجاسن ذوالکرم، آی ابوالفضلیم
آچ باشیمون اوسته علم، آی ابوالفضلیم
اولدی آنان نقش زمین، یا ابا فاضل
.
.
.
اوغلوم سنه بو نوحه نی، یازدی بیر شاعر
ایله کرم بو نوکره، سن منه خاطر
اولسون #حبیبی سائلون، قبریمه زائر
سسلر یل ام البنین، یا ابا فاضل
.
.
#حضرت_ام_البنین
#غیرتلی_پرچمدار_دین_یا_ابافاضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید