فاطمه آدلی خانم چوخدی بو عالمده اگر #حضرت_ام_البنین_غفاری_زنجانی

حالات پنج فاطمه (س)
..
..
..
..
..
حاج اکبر غفاری زنجانی
..
..
..
..
..
فاطمه آدلی خانم چوخدی بو عالمده اگر
اونلارین نچه سی عالی سیر و فخر بشر
زیب دفتر ایدورم آدلارینی ایله نظر
برج عفتده اولار مهر درخشنده دیلر
گنج عزّ و شرفه گوهر ارزنده دیلر
..
..
..
..
..
اوّلی حیدر کرّار آناسی بنت اسد
آرتروب حرمتینی دهریده خلّاق احد
وقت طلقنده اونا ایلدی لطفیله مدد
بیت باحرمتینی ایتدی اونا زایشگاه
حالینه شامل اولوب فاطمه نون لطف اِلٰه
..
..
..
..
..
بیت قدسیده اولان خادم او عیسی آناسی
ایلین گون کیمی تقواده تجلّی آناسی
زنده امواتی ایدن یعنی مسیحی آناسی
وضع حمل ایستدی اوردا ایده اول نیک مرام
بو مکان جای عبادتدی اونا گلدی پیام
..
..
..
..
..
سن ئوزون فکر ایله بو مطلبه ای اهل خرد
گور نجه رتبه تاپوپ فاطمه ی بنت اسد
داخل کعبه اولوب حقدن اونا یتدی مدد
گوز آچوب اوردا اونون اوغلی علی دنیایه
جان عالم اولا قربان ایله بیر مولایه
..
..
..
..
..
ایکمینجی اولارین فاطمه ی اطهردی
انبیایه آتاسی تاج سر و مفخردی
شأنده رتبه ده الحق هامودان برتردی
عظمت گور ندی مدّاحی خداوند ئوزودی
خلقتین حضرت زهرای مطهّر گوزودی
..
..
..
..
..
آدلانان خیر کثیر عالم آرا زهرادی
دوقّوز آدیله مسمّادی گل طاهادی
گوگده منصوره دی محبوبۀ بی همتادی
باخون اجلالینه هم کفوی اونون حیدردی
کعبه مولودینه بو بنت نبی همسردی
..
..
..
..
..
دامنینده او خانم دورت گل زیبا بجروب
گللرین سر سبدین حضرت زهرا بجروب
زینبینی ، حسنینی او دل آرا بجروب
ئوزیدی گنج رسول حقه گوهر دنه سی
مفخر آلعبا اون بیر امامین ننه سی
..
..
..
..
..
اوچمینجی خانمون من یانورام غملرینه
آغلیوب هی قاتارام اشکیمی اشک ترینه
آغلادور گوزلریمی یولدا قالان گوزلرینه
اودی زهرا نوه سی فاطمۀ ی صغرادی
علی اکبر باجیسی شأنی اونون والادی
..
..
..
..
..
ایللری ایتدی وطندن گیجه نون وقتی سفر
قالدی بی مونس و تنها او خانم دیده سی تر
هی دیردی هاچان ایللر وطنه بیرده گلر
او گیدن قافله موز ایلدولر ترک وطن
بوش عمارتده منه یوخ داخی بیر باش یتیرن
..
..
..
..
..
واردی بو غملی ایوین قلبی سیخان منظره سی
غصه پیغامی ویرور هر قاپوسی پنجره سی
اولدی کانون محن بوش قالان ایولر هره سی
غصه لی سینمه شادی گلونی ساچماموشام
آشنایه نچه مدتدی قاپو آچماموشام
..
..
..
..
..
دوردمینجی اولارین فاطمه، معصومه لقب
حضرت موسی کاظم قیزیدی نیک نسب
حجة الله بالاسی گوهر رخشان ادب
کنز تقوا و حیا حجت رحمان باجیسی
تلخ کام ایلدی دائم اونی هجران آجیسی
..
..
..
..
..
آتا دیدارینه آی گونلریلن حسرت اولوب
عمری زهرا کیمی بو دهریده آز مدّت اولوب
عمری آز غصه سی چوخ مدفنیده غربت اولوب
آغلادی گوزلری دائم آتا قارداش غمنه
شیعه لر واریری گوزدن توکه قان یاش غمنه
..
..
..
..
..
بشمینجی اولارین امّ بنین شهرتی وار
فاطمه پاک آدیدور کان وفا کان وقار
ادب ام بنینه هامی حیرتده قالار
گلدی وقتیکه گلین حضرت مولا ایوینه
ئوزونی خادمه فرض ایلدی زهرا ایوینه
..
..
..
..
..
اگیلوب اؤپدی اَوَل فاطمنون مقتلینی
دیه بلّم صورا اوپدی حسنینون الینی
او مقدس ایوین اولدی او زمان که گلینی
ئوزونی بیلدی خانم زینب و کلثومه کنیز
اودی بو عالم آرا اولدی بو اندازه عزیز
..
..
..
..
..
محض لِلّهیدی ازبسکه ازلدن هدفی
گونی گوندن چوخالوبدی اونون عزّ و شرفی
بیر نچه درّ گران مایه نون اولدی صدفی
دورد اوغول حقدن آلوب ارشدی عباس اولدی
تیغی دعواده عدو جانینه الماس اولدی
..
..
..
..
..
فاطمه آدی اولان تاپدی لقب ام بنین
اوندان ایجاده خدا گتدی نچه درّ ثمین
تک تکی عقده گشا، قدّی رسا، زهره جبین
گلمیوب عالمه گلمز ایله بانوی متین
مثلینی دیدۀ بودهر گوره بیرده چتین
..
..
..
..
..
مرتضی سایه سنه دالدالانوب عزّتیلن
ماه و سالی سپری اولدی اونون حرمتیلن
گیچدی خوش گونلری افسوس اولا چوخ سرعتیلن
کربلا صحنه سی گلدی قاباقا واویلا
اولدی اول چولده خزان گلشن و گلزار وفا
..
..
..
..
..
نچه دلدار بلا دشتنه سالموشدی یولا
ابر مانندی بجادی گوزی اشکیله دولا
صبرینون نخلینی سیل غم و اندوه یولا
دورد اوغولدان بیریسی گلمدی آخر وطنه
بو قدر درد و غمه صبر ایلیر هانسی ننه
..
..
..
..
..
قیدوب یثربه اول قافلۀ غم گلدی
گوزی یولدا آنایا مایۀ ی ماتم گلدی
اونا سوغات؛ پارا مشکله پرچم گلدی
دیدی یاندیردی منی درد و غمین عباسیم
دوشدی الدن اله قانلی علمین عباسیم
..
..
..
..
..
ایتدی «غفاری» بو بش فاطمه نون شرح غمین
اجر و مزدون ویره لر کاش بو ناقص رقمین
صحنه ی محشره وحشتله قویاندا قدمین
خدمتین مدّ نظر آلعبا ساخلیالار
ایده لر لطف اونا عقباده طرف دار اولالار