زبانحال حضرت علی (ع) در شهادت حضرت زهرا(س)
.
#زبدةالاشعار
.
: @nohe_torki
.
رضوی زنجانی
.
فاطمه گیدوب الیمدن قامتیم کمان اولوبدی
آیریلق مصیبتنده گوز یاشیم روان اولوبدی
دادخواهیم الله الله
ای پناهیم الله الله
.
.
فاطمه گوزون یوماندان یوخدی طاقت و قراریم
بو دیار یثرب اولموش بو محنده غم دیاریم
قالموشام غریب و تنها تولدی چون وفالی یاریم
فاطمه مصیبتنده گوز یاشیم روان اولوبدی
دادخواهیم الله الله
ای پناهیم الله الله
.
.
غسلونی ویرنده گوردوم گل نشان اولوبدی خاره
وای دیدیم یانوب اوتاندیم قلبیمه ویریلدی یاره
نیلیوم بو ماجراده اولمادی الیمده چاره
حیدره بو درد و غصه بحر بی کران اولوبدی
دادخواهیم الله الله
ای پناهیم الله الله
.
.
قلبیمین صفاسی گیتدی یار مهربانیم ئولدی
گللریم سارالدی سولدی یعنی باغبانیم ئولدی
قالدیلار یتیم اوشاقلار همسر جوانیم ئولدی
آستانه ماجراسی غملی داستان اولوبدی
دادخواهیم الله الله
ای پناهیم الله الله
.
.
فاطمه گیدن زماندان تنگ اولوب منه بو عالم
منزله بو ماجراده درد و غم یاغور دمادم
رکن منزلیم یخلموش ائو اولوبدی بزم ماتم
سینه ی على خدنگ محنته نشان اولوبدی
دادخواهیم الله الله
ای پناهیم الله الله
.
.
ضربه گوردی پشت درده دوشدی چوخ فشاره گیتدی
مرتضانی سالدی درده سینه سینده یاره گیتدی
پر وروبدی مرغ روحی پیشگاه یاره گیتدی
تپراق آتدا زیب جنت گور نجه نهان اولوبدی
دادخواهیم الله الله
ای پناهیم الله الله
.
.
غسلونی ویرنده اما اؤزگه بیر نشانه گوردوم
ظلم بی نهایت اولموش یار مهربانه گوردوم
سو توکنده سو قاریشدی سینه سینده قانه گوردوم
داغ تازه سی اورکده داغ جاودان اولوبدی
دادخواهیم الله الله
ای پناهیم الله الله
.
.
بیعتین آدیلا دست دشمنه بهانه گلدی
درگهیمه وردیلار اود فاطمه فغانه گلدی
دخت مصطفا او گوندن بو جهاندا جانه گلدی
رنگی گون به گون سارالدی طاقتی تالان اولوبدی
دادخواهیم الله الله
ای پناهیم الله الله
.
.
گوز یاشیم آخور عذاره زینبی گورنده پوزقون
وای آنا دیوب سیزیلدار فاطمه غمینده یورقون
ناله سی ائدور بو قلب مرتضا علینی پر خون
حیدره زمانه الآن أیری بیر زمان اولوبدی
دادخواهیم الله الله
ای پناهیم الله الله
.
.
گوز یاشی توکنده زینب آغلیاندا نور عینیم
رنگی گل کیمی سولور تئز شهریار مشرقینیم
قلبیدن اولور پریشان حالیمی پوزور حسینیم
مرتضایه بو مصیبت دهریده گران اولوبدی
دادخواهیم الله الله
ای پناهیم الله الله
.
.
آغلیان زمان حسینیم منزلیم دوشور صفادن
قلبیم اودلانور بو غمده دویمورام ئوزوم نوادن
منده ناگرانم الحق شهریار کربلادن
اهل بیته بو مصیبت تیر جانستان اولوبدی
دادخواهیم الله الله
ای پناهیم الله الله
.
.
.
.
.
#فاطمیه_رضوی_زنجانی
#فاطمیه_شهادت
#فاطمه_گیدوب_الیمدن_قامتیم_کمان_اولوبدی
#ترکی
.
#زبدةالاشعار
.
: @nohe_torki
نظر دهید