فخر ایله بنی آدم ماه رمضان گلدی #مناجات_مژده_اردبیلی

ماه رمضان گلدی
گریز به شهادت حضرت علی علیه السلام
.
#زبدةالاشعار
.
: @nohe_torki
.
مژده اردبیلی
.
فخر ایله بنی آدم ماه رمضان گلدی
هرآیدان اولان اعظم ماه رمضان گلدی
.
ذات حق داوردن کیم سفره سی الواندی
کیم حقه ثنا خواندی شایسته مسلماندی
کیم طالب غفراندی سرگشته ی جاناندی
اعلان ایلسون هردم ماه رمضان گلدی
.
.
بو آی مه غفراندی بوآی مه قرآندی
تحصیل کمال ایتسین کیم صاحب وجداندی
فرنایش یزداندی بو آی مه احساندی
حق اوسته دایان محکم ماه رمضان گلدی
.
.
عالمده هرانسانه هرصاحب ایمانه
سرگشته جانانه شایسته مسلمانه
زیبنده آچیخ الدی هرتابع قرآنه
انفاق ایلسون عالم ماه رمضان گلدی
.
.
بوآیدامسلمانلار تحصیل کمال ایتسون
هرگون گوزل انسانلارنفسیله جدال ایتسون
هریرده عدالتدن بیرپارچا مقال ایتسون
فرمایش ایدوب خاتم ماه رمضان گلدی
.
.
بوآی مه رحمتدی بوآی مه عزتدی
درک ایله شب قدرین ایام فضیلتدی
غفلت یوخوسوندان دور دوشمزاله فرصتدی
شیطاندا دوتوب ماتم ماه رمضان گلدی
.
.
قویما سنی شیطان نفسون بله آللاتسون
غفلتدن اویان یاتماقویما سنی آغلاتسون
آزقالدی دنی نفسون اشراره سنی قاتسون
افکارون اولوب مبهم ماه رمضان گلدی
.
.
عقبادن الون بوشدی گل دایمی گفتاره
گوزیاشووی نیسان تک هرگون اله رخساره
هرحالدا نماز اوسته یالوارحق داداره
ایمانون اولار محکم ماه رمضان گلدی
.
.
اون بیر آیی غفلتده یاتدون نه ثمر گوردون
دنیایه گوره دینی ساتدون نه ثمر گوردون
دریای جهالتده باتدون نه ثمر گوردون
ای ظاهری عیسادم ماه رمضان گلدی
.
.
ترویج ضلالتدن آیانه ثمرگوردون
تبلیغ جهالتدن همواره ضرر گوردون
گیتدون یولی بیراهه افسوس خطر گوردون
احوالووه مدهوشم ماه رمضان گلدی
.
.
فرمایش مولادی درک ایله بومعنانی
اسباب شفاعتدن گورمنطق شیوانی
بوآی مه غفراندی گیتسون ره تقوانی
چوخ درده اولارمرهم ماه رمضان گلدی
.
.
کیم بنده ی جاناندی خلاق جهانداره
کیم لعنت ایدر دایم شیطان ستمکاره
ایفاگرپیماندی گلسین بیله گفتاره
یاقادر و یاارحم ماه رمضان گلدی
.
.
کیم یالوارا داداره الحق که ضرر گورمز
صدقیله عبادتدن دوزیولدا خطر گورمز
ال چکسه شرارتدن بوآیدا شررگورمز
رفتاری اولار اعلم رماه رمضان گلدی
.
.
ای خامه دولان سوزدن ایام فضیلتدی
بیرپارچا نصیحت لر تبلیغ دیانتدی
قانون طبیعتدی کیم طالب عزتدی
اولسون بله غرق غم ماه رمضان گلدی
.
.
بوآیدا بساط غم گورنه یارادوب دشمن
دشمن نجه دشمن که دلداده ی اهریمن
محراب عبادتده ال چکمه دی مولادن
طغیان ایلدی ملجم ماه رمضان گلدی
.
.
محرابی باتوب قانه سجاده باتوب قانه
ابن عم پیغمبر آزاده باتوب قانه
خلاق جهاندار دلداده باتوب قانه
القانه باتوب ضیغم ماه رمضان گلدی
.
.
یاراسی گیدوب الدن ابن عم طاهانون
یوخ.حالی قیام ایتسون شاهنشه عظمانون
قانیله خضاب اولموش گل صورتی مولانون
غرق غم اولوب عالم ماه رمضان گلدی
.
.
جبریل امین گوگدن بیرحالدا یره اندی
شاعردیلی واللهی تشریحینه الکندی
ئولدوردوله مولانی گویا بله سسلندی
اسرارحقه محرم ماه رمضان گلدی
.
.
ملهم بونداسیندن زینبده فغان ایتدی
آماج غم و محنت گوزیاشینی قان ایتدی
پیکان بلییاته قلبین که نشان ایتدی
احوالی اولوب برهم ماه رمضان گلدی
.
.
جریانی خبرویردی قارداشی حسن جانه
دورقارداش علاج ایله بو حال پریشانه
مسجدده نماز اوسته حیدردی باتوب قانه
طوفان یارادوب ملجم ماه رمضان گلدی
.
.
عفوایله منی یارب بوسوزلره ناچارم
بیردرد غم افزایه چوخداندی گرفتارم
بش گون بوفنا یرده بی یار و مددکارم
قلبیمده دوتوب ماتم ماه رمضان گلدی
.
.
احسان ایله بو آیدااحوالی پریشانه
شامل اولاالطافون گر #مژده ی نالانه
فخر ایلیر عالمده بولطف و بواحسانه
فریاده گلر هردم ماه رمضان گلدی
.
.
#مناجات
#حیدریه
#فخر_ایله_بنی_آدم_ماه_رمضان_گلدی
#مژده_اردبیلی
#ترکی
.
#زبدةالاشعار
.
: @nohe_torki