فراتین یوللارى باغلاندی قارداش #فرات_خوندل_زنجانی

بسته شدن راه فرات
زبانحال امام به حضرت ابوالفضل (ع)
.
.
#سبک_بیا_یابن_الحسن_آرام_جانم … ۳ سبک … کجائید ای شهیدان خدایی … جوشی زنجیر
مشابه
پخش‌کننده صوت

.
.
خوندل زنجانی
.
.
فراتین یوللارى باغلاندی قارداش
سوسوزدان سینه لر داغلاندی قارداش
بو مشکی آل ابوالفضل
فراته سال ابوالفضل
گتور سو قیزلاریم عطشاندی قارداش
.
.
.
زیادون اوغلی دوشموش فکر خامه
یازوبدور ابن سعد بد مرامه
فراتی باغلاسون روی امامه
بو مطلب عمده بیر عنواندی قارداش
بو مشکی آل ابوالفضل
فراته سال ابوالفضل
گتور سو قیزلاریم عطشاندی قارداش
.
.
.
بودور فرمان اوشاقلار تشنه قالسون
عطش گلزار دینه رخنه سالسون
یزیده تا حسیندن بیعت آلسون
مگر بیله عمل آساندی قارداش
.
.
باش اگمم لشگر اشراره اصلا
نه اولادیم اولار تسلیم اعدا
یانار پر پر اولار گلزار زهرا
بیلرلر دینه کیم قرباندی قارداش
.
.
گوتور سو مشکینی یول سال فراته
گتور بیر مشک سو تشنه بناته
صفا وئر گلشن عین الحیاته
سویون هر قطره سی احساندی قارداش
.
.
عطش اخیامیمه بیر یول آچوبدی
بو محنت قلبه تیر غم ساچوبدی
ربابون دوشلریندن صود قاچوبدی
اودا اصغر کیمی عطشاندی قارداش
.
.
بو غم قارداش دل پر دردی داغلار
رباب آغار خیمده اصغر آغلار
قماطین گه آچار گه بیرده باغلار
بالا نالان، آنا سوزاندی قارداش
.
.
بیر آز تأخیره دوشسه سو برادر
سوسوزدان جان وئرر جانانه اصغر
ربابی، فرقتی دیوانه ایلر
بو هجران آیری بیر هجراندی قارداش
.
.
ابوالفضل اوز دوتوب شاه حجازه
دئدی قارداش منه وئردون اجازه
نیازیم وار خدای بی نیازه
امیدیم قدرت جاناندی قارداش
.
.
منه لطف حق منان اولیدی
اسیدی یل یولا، طوفان اولیدی
فراتی آلماقا امکان اولیدی
بو فکریله اورک القاندى قارداش
.
.
سو اطرافین آلان بی حد جماعت
گورر عبّاسده وار نه شجاعت
عدودن ایندی قیلّام سلب طاقت
بو من بو جنگ بو میداندی قارداش
.
.
صفوف مشرکینه رخنه ساللام
فراتی ضرب شمشیریله آلّام
نه قول، نه باش نه جان فکرینه قالام
نئیم واردور سنه قرباندی قارداش
.
.
محبّت بزمینه بو سؤز یول آچدی
ایکی طوبی فرحلندی خول آچدی
قوجاقلاشدی ایکی قارداش قول آچدی
دئدی قارداشه قارداش جاندی قارداش
.
.
واروم بیر خواهشیم ای شاه عطشان
وئرنده جان بو زاره ایله احسان
باشیم سیننده گوز گوزده وئروم جان
منیمچون عزّت شایاندی قارداش
.
.
یازار نوحه منه هر ایلده خوندل
منی قارداش بیلور حلّال مشکل
یانان دلدن ملالین ایله زایل
چتین ایشلر سنه آساندی قارداش
.
.
.
#فرات #خوندل_زنجانی
#عباسیه
#فراتین_یوللارى_باغلاندی_قارداش
#ترکی
#زبدةالاشعار