شهادت حضرت امام علی (ع)
..
..
#سبک_نوایی_نوایی
..
..
سید محمد مسعود نقیب
..
..
علینون باشی سجده ده پارچالاندی
آخوب محرابا قان باشیندان جالاندی
..
..
دوشوب ولوله کوفه یه بی نهایت
که باتدی بوگون آفتابِ هدایت
ائدوب ابن ملجم بویوک بیر جنایت
توتولدی سحروقتی آی ،گون دایاندی
..
..
یتوب وا علی وای سسی آسمانه
بیلوب لر یتیم لر گلوب لر فغانه
دوشوب زلزله شش جهتدن جهانه
قیامت قوپوپدور قارانلوق اوزاندی
..
..
حسین آغلیور ، مجتبی دیده گریان
دیور ام کلثوم ، علی جان علی جان
ائدور ناله زینب ، اولوبدور پریشان
علی وای دیور ، آتشِ هجره یاندی
..
..
علی نون قانی آخدی محرابه یازدی
بو معنانی که ، رکنِ اسلام نمازدی
نماز چوخ گوزل ذکر و راز و نیازدی
نماز باعث شوکت و عزّ و شاندی
..
..
علی امرِ بر معروف ائتدی مکرر
علی شیعه سی نهیِ از منکر ائیلر
اولار با حیا و متین و موقّر
علی نون سوزی تا ابد ، جاوداندی
..
..
علی صبر ائدوب حقّینی خَصم آلاندا
علی دوزدی زهرایه سیلی ووراندا
که آگاه اولا وار مسلمان هایاندا
علی دینه ، قرآنه ، چوخ نا گراندی
..
..
علی ییرمی بئش ایل سکوت ائتدی تنها
دیوب دردینی روز و شب چاهه مولا
اونون حالینه ناله ائیلردی زهرا
خدایا بو نه وضع و عصر و زماندی
..
..
علی گلدی دنیایه بیتِ خداده
فضیلت بو جور یوخدی هیچ انبیاده
توکولدی قانی اما حالِ دعاده
بو قانیله محراب و مسجد بویاندی
..
..
علی که اونون شأنینه گلدی آیه
او که وئردی انگشترینی گدایه
او که باش چکردی یازیق ، بینوایه
او که یاورِ بی کس و ناتواندی
..
..
قانین توکدی محراب ده ابن ملجم
بو ماتم ده اولدی غمین اهل عالم
اونا ساخلیور ایندی ده گونده ماتم
اونون اوغلی مهدی که قانین آلاندی
..
..
او مولایه محراب و منبرده آغلور
اونا انس و جنّ و ملک لرده آغلور
اونا لوح و دیوان و دفترده آغلور
اونا ماسوا لر عزا ساخلیاندی
..
..
علی نون آدی زیبِ دفتردی والله
علی سرور و میر و رهبردی والله
علی شافعِ روزِ محشردی والله
« نقیبا» علی حامیِّ شیعیاندی
..
..
#حیدریه #سیدمسعود_نقیب #حیدریه_شهادت #ترکی #زبدةالاشعار
نظر دهید