فراق فاطمه ده اولدی سوگوار اسلام #فاطمیه_عابد_تبریزی

زبانحال حضرت علی (ع) در دفن حضرت زهرا (س) و جواب آن حضرت
.
.
مرحوم عابد تبریزی
.
.
الهۀ ملكوت صفا مهِ محراب
خسوفه دوشدی عذارینده ابر تیره تراب
.
فراق فاطمه ده اولدی سوگوار اسلام
غمینده باتدی عزایه شرایع و احکام
.
مدینه نی گیجه غرق ایلمیشدی ظلماته
دوتار جهانی خسوفه دوشنده ماه ظلام
.
ستاره لرده افول ایتدی موج ظلمتده
پیمبرین قیزینی قبره تاپشوراندا امام
.
سکوت محض اولوب کایناته مستولی
تمام انفس و آفاق، غرقه اوهام
.
لسان حق دانشور نه بیانیله یارب؟
ندن حکایت ایدیر لحن قول و طرز کلام؟
.
دل آچدی هر دله تقریر اعتباری ویرن
دانشدی هر سوزه گفتاری منبع الهام
.
ایله دانشدی که ذرّات کونی یاندیردی
ایله دانشدی که هر نفسدن آلوبدی قوام
.
سن ای چراغ شبستان آرزو و امید
سن ای نهال گلستان آشنایی و کام
.
سن ای ریاض محبّتده سوری شاداب
سن ای حدائق عزتده نخل سرو اندام
.
سن ای حریم امامتده شمع بزم مراد
سن ای جهان نبوتده نور صبح مرام
.
سن ای ترانه عصمت، لسان قدسیده
سن ای حمامۀ رحمت فراز عرش مقام
.
سن ای بهار امیدیم نه تئز خزان اولدون؟
نه تئز بو گلشنی سولدوردی چرخ ازرق فام
.
منه سراچۀ ظلمتدی بو جهان سنسیز
نجه که اولماسا گون تیره شام اولور ایّام
.
نجه حسین و حسن دردینه ویروم تخفیف؟
نه نوع زینب و کلثومی ایلیوم آرام
.
سنیله بیت امامتده هر صفا واریدی
قیریلدی رشته الفت پوزولدی سبک نظام
.
نولوبدی قبریوون اوسته سنه سلام ایدورم
نوازش ایتموری جان گوشینی جواب سلام
.
کیمیله درد دل ایلوم فشار محنتده؟
کیمه دیوم سوزیمی ایلسه هجوم آلام؟
.
اورکدن آیریلوقون دردی زایل اولماز اولا
اگر چه عمریمون ادواریده تاپا اتمام
.
علی که خنده ویروب شدت مهالکده
مصیبتونده توکر اشک صبح اولا یا شام
.
غمیم همیشه لیق اولدی، مصیبتیم دائم
ملال و حزن مؤبّد فشار غصّه مدام
.
.
.
دانشدی بسکه کنار مزار زهراده
گتوردی قبریده روح بتولی فریاده
.
.
.
سن ای تجلّی نور هدا روانیمده
سن ای نفوذ ولای الست جانیمده
.
سن ای ترشّح ابر عنایت ازلی
بنفشه و سمن و یاس و ارغوانیمده
.
سن ای سحرگه رحمت نسیم جان بخشی
شکوفه و گل و گلگشت و گلستانیمده
.
سن ای حریم سویدای دلده صدر نشین
سن ای مکین امین بزم لامکانیمده
.
بولورسن ای هامی اسراره حقّدن آگاه
منه نه ظلملر ایتدی جهان جهانیمده
.
او اود که ویردیلا درگاه باجلالتیوه
هنوز سوزشی وار مغز استخوانیمده
.
نه حاله قالدی او گون طایران گلشن قدس
که چکدی شعله جفا ناری آشیانیمده
.
بو درد شدتّینی آشنای درد بولر
نفوذ ایستدی بیگانه دودمانیمده
.
او لحظه که سنه بیر لحظه مین قیامت اولوب
نه چکدی دل دیماقا یوخ توان بیانیمده
.
ولایتونله ولی دل تاپاردی آرامش
یاناردی مشعل توحید خانمانیمده
.
نبرد حال حیاتیمده سن امیدیمدون
یوخ اوزگه قبریده سندن صورا گمانیمده
.
نیاز اولمادی ایتسون سوال امامتدن
فرشته گوردی آدون نقشینی زبانیمده
.
نقدر شرم ایدورم ایتمدی وفا عمریم
یتوب بهاریوه آفت منیم خزانیمده
.
چوخالدی غصّه و دردون عم اوغلی جان بولورم
یانار نهانیده قلبون غم نهانیمده
.
نه عمر باشه یتوب یتدی باشه عهد ولا
بو علقه ریشه سی وار جوهر روانیمده
.
ریاض خلده تماشایه احتیاجیم یوخ
که واردی نقش رخون چشم خونفشانیمده
.
بهار اولاندا ویرر لاله باش مزاریمدن
که شرح حال ایلسون نقل داستانیمده
.
یانار او حال جگر سوزه شاعریم #عابد
نجه که اودلانی #فیروز نوحه خوانیمده
.
ایده لّه اهل عزائیله ناله و فریاد
که بزم غم قورالار بلکه آستانیمده
.
.
.
#فاطمیه_شهادت
#فراق_فاطمه_ده_اولدی_سوگوار_اسلام
#عابد_تبریزی #فاطمیه
#ترکی
#زبدةالاشعار