غزل
.
.
صراف تبریزی
.
.
فصل بهاری ایستمورم بلبل اولماسام
دلداری نیلورم اگر اهل دل اولماسام
حسرت گوزیله طرف گلستانه باخمارام
مشتاق رنگ و بوی گل و سنبل اولماسام
.
عمریمده گیتمرم گل و گلزار سیرینه
بلبل مثال طالب حسن گل اولماسام
.
عنقای قاف عزّتیدیم سیندی پرلریم
ایمدی گینه اوچوب قاچارام بسمل اولماسام
.
بیر کیمسیه دیمم الیمی دوت کناره چک
گرداب بحر هجریده پا در گِل اولماسام
.
زنجیریده گوروب دیمه دیوانیم گوزل
قویمام بساط عشقه قدم عاقل اولماسام
.
صرافیلیق ادی غلط محضیدور منه
«صراف» اولان نگاریله گر یک دل اولماسام
.
.
#غزل #صراف_تبریزی #ترکی #زبدةالاشعار
#زبدةالاشعار 
: @nohe_torki . #سبک_بزم_عزاده_گیمیشم … . حاج حسین حسنی تبریزی سنسیز چوخالدی قلبده غملریم قارداش قالدی بئلیمده عاقبت اللریم قارداش آرخام ایلیم سندی بلیمبیشتر
سوال و جواب . 
نظر دهید