اتمام حجت حضرت سیدالشهدا علیه السلام
.
.
.
مرحوم میرزا عبدالوهاب حقیر خوئی
.
.
منم که قاطبۀ ماسوایه مولایم
منم که سلسلۀ انبیادن اولایم
.
.
منم حروف الف لام و میم ایچون تاویل
منم کتاب مِن الله سورۀ تنزیل
آدیمدی زیور تورات و زینت انجیل
منم که آخر اسماء اسم حسنایم
.
.
منم حدیقۀ والتّین نخل والزّیتون
منم مداد وما یسطرون مصدر نون
منم نتیجۀ بالنذ ر مقصد یوفون
منم که مفتخر هل اتی و طاهایم
.
.
بیز اهلبیت خصوصینده آیۀ تطهیر
نزول ایدوب منم عنوان اِنّمایه ضمیر
منم سراج منیر و منم بشیر و نذیر
منم که لفظ نذیر مبینه فحوایم
.
.
منم دلیل سبیل لِکُلِّ قوم هاد
ظهور بینۀ اَنتَ مُنذِرٌ لعباد
منم لِیُذهِب عَنکُم اشاره سینده مراد
منم اراده حق رجسیدن مُعَرّایم
.
.
نتیجۀ ثمر آیۀ اطیعوالله
منم بیان اطیعوا الرسوله صدق گواه
ظهور امر اولوالامر ایچون رسول الله
اولوب مقدمه مضمون لفظ احرایم
.
.
منم مُفَسِّر تفسیر عَلَّمَ القُرآن
منیم یانیمدادی تفسیرنَزَّلَ الفُرقان
منم مفاتح ابواب رحمت و احسان
منم که واسطۀ فیض فیض عظمایم
.
.
منم ستوده یاسین منم امام مبین
منم تمسک اهل الولایه حبل متین
منم حقیقت ایمان منم طریقت دین
منم که باطن احکام شرع غرایم
.
.
حروف خمسۀ یاسینه سین استثنا
چو نون آخر اسماء خمسة النجبا
منم مخاطب سین و منم عبارت یا
منم که حرف ندا کلمه منادایم
.
.
منم غوامض اسرار غیبیدن آگاه
ضیاء پرتو نور فثم وجه الله
شروع حمدیده صدر کلام بسم الله
منم که بسمله تحتینده نقطه بایم
.
.
ضمیر آخر یاسین و اول حامیم
مفاد میم الف لام والکتاب حکیم
وانه لعلیم الحکیم قول کریم
منم که اسم صفات علی اعلایم
.
.
یر اوزره حجت حقم خلیفة اللهم
جمیع ما خلق الهه حجة اللهم
ظهور قوت و قدرتده قدرت الهم
قدیر و مقتدر و قادر توانایم
.
.
سواد سورۀ نورم مداد آیه نور
یضیی نور و علی نور یوقد و من نور
او نور قدس الهییه محل ظهور
منم که کوکب پر نور در بیضایم
.
.
حیات زورقینه لنگر حیات منم
بقای خضره سبب چشمه حیات منم
نجات نوحه ویرن کشتی نجات منم
نجی لسانینه جاری اولاندا مجرایم
.
.
مقام و رتبه ده فرزند صاحب معراج
منم مجاری حکمینده قلزم مواج
باشیمدا شمسه والشمس والضحی دور تاج
در مدینه علم و علومه دریایم
.
.
منم مقرب درگاه قُرب او ادنی
چو محرم حرم خاص قاب قوسینا
رموز وحی فاوجاه سر ما اوحی
طلسم محفل لایه کلید الایم
.
.
منم سلیل جلیل سلاله امجاد
منم سلاله آدمدن اشرف اولاد
منم شرافت آباء کرامت اجداد
وسیلۀ شرف امهات و آبایم
.
.
تمامی کتب انبیاده مزبورم
مذاهب و ملل خارج ایچره مشهورم
دلینده هر بیرینین ئوز دلینجه مذکورم
که هر لسانیده بیر اسمیله مسمایم
.
.
عوالمی ایلیوب طیّ تا بو عالمده
ظهور نوریم اولوب صورت مجسمده
ابوالبشر منم اما لقبدور آدمده
که صورت بشریتده نوع ابنایم
.
.
بو باب انس و امانه رخ نیاز امید
خلوص نیتیله اولمیوب اولان نومید
نجه که مرحمتیمله « حقیریمی » تائید
ایدوب بیان لسانینده نطق گویایم
.
.
#حسینیه_شجاعت
#منم_که_قاطبه_ماسوایه_مولایم
#حقیر_خویی #حسینیه
#ترکی
#زبدةالاشعار
نظر دهید