مدح و میلادیه حضرت ولیعصر (عج)
.
.
.
سیفی اردبیلی
.
فلک میخانه سی بیر بیله لُعبت گورمیوب گورمز
بئله مولوده تای دنیای خلقت گورمیوب گورمز
.
بودور تفسیری حتماً غیبت صغری و کبرانون
دل اهلی عالمی بی نور حجت گورمیوب گورمز
.
نظام عالمه جان آفرین حکمت یازان گوندن
آقام مهدی کیمی هئچ کیم سعادت گورمیوب گورمز
.
آدی دورد حرفیدن تشکیل اولوب معناسی نامحدود
بشر حاشا بئله شمس هدایت گورمیوب گورمز
.
یورولماز دست خلقت لحظه ای صورت یاراتماقدان
الیٰ محشر جهان بیر بیله صورت گورمیوب گورمز
.
شب میلادیدور عشقون شب میلادیدور عدلون
بو نوعی رشوه سیز قاضینی امت گورمیوب گورمز
.
بو شمع نیمه ی شعبان ائدوب پروانه مخلوقی
یقین چرخ زمان بیله ولادت گورمیوب گورمز
.
بودور جا ٕ الحقه معنا بودور جوهرده بی همتا
هئچ انسان بیر بئله شمع جلالت گورمیوب گورمز
.
هزاران یوسفون وار قیمتی بیر تار زلفینده
بو خوش قامتده سروی باغ جنت گورمیوب گورمز
.
جمالین آی دئسم حتماً دیللر آی حجاب ائتمز
او نقره پیرهن حاشا بو طلعت گورمیوب گورمز
.
دئسم بنذردی یا خورشید نور افشانه سیماسی
دیللر گون بئله طولانی غیبت گورمیوب گورمز
.
دئسم گلدور دیللر گلده عمر جاودان اولماز
چمن هئچ لاله ده بیله طراوت گورمیوب گورمز
.
دئسم گوهردی بی همتا دیللر خبره سی کیمدی
زمان گوهر شناسیندن بو قیمت گورمیوب گورمز
.
بونون صرافی ئوز خلاق بی همتاسیدور لاغیر
بئله بیر درّ نایابی طبیعت گورمیوب گورمز
.
بیر آیری واژه تاپسیدیم دئمزدیم زلفی عنبردی
یقیناً مشک و عنبر بیله نکهت گورمیوب گورمز
.
بونون نوری خدا نوری بونون قانی علی قانی
بونون آدی بونون شأنی حقارت گورمیوب گورمز
.
بونون تیغ دوپهلوسی سالار دنیانی تسخیره
بونون فرمانی نقصان عدالت گورمیوب گورمز
.
سلاطین قدر قدرت نه یوسف نه سلیمانلار
آقام تک آستانینده رعیّت گورمیوب گورمز
.
آپاردی مور اگر ران ملخ پیش سلیمانه
گورن سسلندی هئچ سلطان بو حشمت گورمیوب گورمز
.
بو شاهون پیش پایینده ملکلر بنذیور موره
سلیمان اولسا عالم بیله دولت گورمیوب گورمز
.
سلیمان تک سَبانوندور بو ایکی عالمه سلطان
هئچ انسان دست حکمتده بو عزت گورمیوب گورمز
.
بودور فریاد محرومان بودور خونخواه مظلومان
بئله برقان آلان مولانی خلقت گورمیوب گورمز
.
گدایم آستانونده محبت ایله یا مولا
قوجالمیش طبعیمه بیردم حمایت ایله یامولا
.
.
#مهدیه_میلادیه
#فلک_میخانه_سی_بیر_بیله_لعبت_گورمیوب_گورمز
#ترکی
.
.
نظر دهید