زبدةالاشعار

قاباقجا حمد ائدورم اُول خدانین عشقینده #فاطمیه_سیدبشیرحسینی

آنانین عشقینده …
بمناسبت روز #مادر و ولادت حضرت زهرا سلام الله علیها
.
.
.
#سیدبشیرحسینی
.
قاباقجا حمد ائدورم اُول خدانین عشقینده
کی خلق ائدوب بیزی آل عبانین عشقینده
.
.
یئنه دوشوبدی خیاله بهشت تک عتبات
گؤنش کیمی منه آیدیندی اهل عشقه نجات
دیینده صدق دیلیله محمّده صلوات
وئرور قلوبه صفا مصطفانین عشقینده
.
.
بو کوثرین آدینی زمزمه ائدر زمزم
دییر: شرفده منم نم، ولیک کوثر یم
او شیعیه‌وق کی حقه وار اومیدیمز هر دم
باغیشلاسین بیزی خیرالنّسانین عشقینده
.
.
گرروم جماعتیله دولسون هاردا هیئت وار
کی هیئت ایچره شرف وار جلال و عزّت وار
باخاندا آللهین هر بیر ایشینده حکمت وار
یاراتدی فاطمه‌نی مرتضانین عشقینده
.
.
گرَکدی بایرام اولاندا گولومسونه وَجَنات
نچون کی نازل اولار شاد اولانلارا برکات
او بلبلم منه حُسنِ حَسَن وئرور حسنات
یاشیل گوله باخارام مجتبانین عشقینده
.
.
هره بیرینه گوره زنده‌دی بو دوراندا
حسین سیز ایستمورم سیر ائدم گولوستاندا
او شاهه آند اولا، آلله بیلور کی هر آندا
فقط نفَس چکورم کربلانین عشقینده
.
.
پیمبرین قیزینا خاطر ای گلَن شاد اُول
نه دردون اولسا دیء زهرایه غمدن آزاد اُول
اُول عشق یاره تانیش، مشکلاتیله یاد اُول
گؤزیوی تیک یولا صاحب زمانین عشقینده
.
.
اونون آناسینا جشنِ ولادت اولدی به‌پا
بو جشنیده اوخویار بلبلان باغ ولا
او حضرتین اوزونه ایله التماس دعا
دئسین فرشته‌لر آمین دعانین عشقینده
.
.
الهی! عشق اولا عشق آخشامی آنالاره
بو بندی هدیه ائدوم من هامی آنالاره
مبارک اولسون آنا بایرامی آنالاره
آنا چکر هامی دردی بالانین عشقینده
.
.
آنا بالاسینون عشقین گئجه گونوز آتماز
او عشقی جانه آلار آیری قیمته ساتماز
گئجه گونوز گول اکن، گول‌لره گؤره یاتماز
گرَکدی گولده آچا باغبانین عشقینده
.
.
خدا بیلور کی نه زحمت چکوب آنا بیزیچون
اولوبدی درد و غمه جانی مبتلا بیزیچون
ائدوب نامازلاینون اوسته چوخ دعا بیزیچون
گرَک غلام اولاق اُول مهربانین عشقینده
.
.
قولاق وئر ای اولان عشّاقیله بو بزمه قوناق
گلوب بو جشنه گؤره دسته دسته آرواد اوشاق
آنا دیلیله آنانین گونونده شعر اوخوماق
بیر اوزگه عالمی واردور آنانین عشقینده
.
.
#فاطمیه_میلادیه
#قاباقجا_حمد_ائدورم_اول_خدانین_عشقینده
#ترکی
.
.

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...