زبانحال حضرت رقیه (س) با راس مطهر امام حسین (ع)
.
✍️ زبدة الاشعار ✍️
.
?: @nohe_torki
.
.
سبک : اصغریم ای شیرین زبانیم
.
حاج علی زلفی تبریزی
.
.
وای منه لبلرون یارادی
وار یری گر ئولم بجادی
اشگیله قوی یویوم دوداقون
وار یقین زخمیوه دوادی
.
قلبیمی تیر فرقتون یاره ایدوب
حشمتیم گور نه نوعی یغمایه گیدوب
.
یارالیسان بابا بابا (2)
.
.
.
.
اشگ تر دیده م اوسته بابا
دیلده وار غم غم اوسته بابا
بی بدن یاره لی قوناقیم
گل آلیم سینم اوسته بابا
.
سینون اوستونده یاتماقیم عادتیدی
گیچدی گونلر بابا نه خوش عشرتیدی
.
یارالیسان بابا بابا (2)
.
.
.
.
قوخموشام خیمه لر یاناندان
خستیم چوللره قاچاندان
رعشه دوشموش تن نحیفه
آت دوشونده منی قوغاندان
.
زجر دون سیلی وردی رخساره بابا
خار ایدوبدور ایاقلاریم یاره بابا
.
یارالیسان بابا بابا (2)
.
.
.
.
نیلورم بو جهانی سن سیز
بیر گولم اولموشام چمن سیز
جان چخار غربت ایلده بابا
بیر هزارم حزین وطن سیز
.
سن گیدندن قتاله من آغلامیشام
یاسیوی بو خرابه ده ساخلامیشام
.
یارالیسان بابا بابا (2)
.
.
.
.
قانلی باشون خرابه یرده
سینمی گور نه گتدی درده
بیرجه یوخ دردیمه تسلی
وار گمانیم بیر آه سرده
.
قوی اقلا اوپوم باشون یاره سینی
دردیمون بلکه تیز تاپوم چاره سینی
.
یارالیسان بابا بابا (2)
.
.
.
.
گیتمه بابا یانیمدا بیر قال
یا که گیتسن بو جانیمی آل
سن یارالی قیزون یارالی
اوتلانان قلبیمه نظر سال
.
باخما آغلور بو چشم پر نم یارالی
وورمیشام شهر شامه پرچم یارالی
.
یارالیسان بابا بابا (2)
.
.
.
.
منزلیم اولدی کنج ویران
غم یمه ای شه لب عطشان
جان چخور کاش اولیدی اکبر
باشیم اوسته آچیدی قرآن
.
سسلرم اکبر اکبر امداده گله
تا آلا خسته بو سینان گویلی اله
.
یارالیسان بابا بابا (2)
.
.
.
.
.
#سبک_اصغریم_ای_شیرین_زبانیم
.
.
#حضرت_رقیه_شهادت
#وای_منه_لبلرون_یارادی
#زلفی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید