تنها ماندن امام حسین (ع) در برابر لشگر
.
#زبدةالاشعار
.
: @nohe_torki
.
علی تیموری اردبیلی
.
قارداش ئولومی قارداشین حالین کدر ایلر
قدّین خم ائدوب دهریده خونین جگر ایلر
.
.
قارداش گوره تحقیرائلیور قارداشین اُوباش
بیر کیمسیه اسرارینی هرگز ائلمز فاش
دردِ دیلین ابراز ائلیر قارداشا قارداش
قلبینده کی سرّیندن اونی باخبر ایلر
.
.
بو رسمیدی عالمده یقین یاده سالالار
قارداشی ئولن اولسا اونون دورین آلالار
قویمازلار اونی تک قالا یانینده قالالار
تک قالسا یقین قلبینی محنت کدر ایلر
.
.
تک قالدی حسین عرصهٔ پیکارین ایچینده
شیطان صفت اهریمن خونخوارین ایچینده
میدان دولوسی قان توکن اشرارین ایچینده
عباس ئولومی اوردا حسینه اثر ایلر
.
.
اولسیدی کنارینده شه عالمون عبّاس
هرگز ائده بیلمزدی جسارت احدالنّاس
ائتمزدی حسین دشت بلاده خطر احساس
عبّاسی بیلردی اونا سینه سپر ایلر
.
.
آلدی نجه اطرافینی بی واهمه دشمن
دورد مین اوخ آتان خصمیدن آیا نه یازیم من
یوخدور کمکی لبلری عطشاندی ولیکن
گمراه و بدانجامین الیندن حذر ایلر
.
.
قالموشدی کیمه دردینی اظهار ائده مولا
یوخ اکبر و قاسمله ابوالفضلی خدایا
بو عرصهٔ پیکاریده تک نیلسون آیا
گور بیر نفره حمله او دورد مین نفر ایلر
.
.
یوز دوتدی فراته دئدی گل تکدی حسینون
ای کان وفا جنگیدن ال چکدی حسینون
باشلاندی جدل صاحب مسلکدی حسینون
باخ ایندی قشون خیمه لر اوستن گذر ایلر
.
.
سسلورله یانان خیمه ده قیزلار سنی قارداش
واللهی سنون پوزدی بو حالون منی قارداش
یوخ عترتیمون آیریدا بیر مأمنی قارداش
گل گور نه جفا عترتیمه قوم شر ایلر
.
.
باشدان باشا میدانی دوتوب لشکر کافر
تنهادی حسینون یئتیش امداده برادر
انصاریم ئولوب اولمادی بیر کس منه یاور
کیم تک قالا بو حینیده درک خطر ایلر
.
.
یوز دوتدی صورا درگه معبود ودوده
عرض ایلدی واقف سن ئوزون کلّ وجوده
هرگز اثر ائتمز کی سوزوم قوم عنوده
بو زحمتیمی لشکرکین بس هدر ایلر
.
.
شاهد سن اوزون عرصه ده ای خالق ذوالمن
بو قوم پلیدی نه قدر پند ائلدیم من
پیکاریده بو موعظه مه باخمادی دشمن
ظلمین منیچون اهل جفا سربسر ایلر
.
.
اتمام ائلدیم حجّتیمی دشمنه الله
قربان ائلدیم هر نئیمی من سنه الله
سنده کچه سن تعزیه داری منه الله
گر اولماسا کیم آل وئره خبره ضرر ایلر
.
.
ای شاه جهان یاریوه انصاریوه قربان
درگاهووه «تیموری» گلوب دیده سی گریان
سن بیل آنوون جانی بونی قوؤما قاپوندان
قالسا بئله نوکر سنه خدمت بتر ایلر
.
.
#حسینیه_علی_تیموری
#ختم_خوانی #برادر
#حسینیه_شهادت
#قارداش_ئولومی_قارداشین_حالین_کدر_ایلر
#ترکی
.
#زبدةالاشعار
.
: @nohe_torki
نظر دهید