کوفه
.
زبدة الاشعار
?: @nohe_torki
.
مرحوم طوری تبریزی
.
قارداش بو نجه یردی مسلمانی ویرالّار
بو کوفه لیلر کوفه ده مهمانی ویرالّار
.
قانیله ویروب بسکی یوزون آی کیمی هاله
بی حال ایلیوب زینبوی سالدی بوحاله
بنزرآنام اوغلی یارالی باشون هلاله
شرم ایلمیوب نیّر تابانی ویرالّار
.
بیرباش که اوباش مظهریدی آیۀ نوره
خولی او باشی قویدی جفائیله تنوره
قائل دگو مطلق بولار انجیل و زبوره
توراتی آتوب ناطق قرآنی ویرالّار
.
انوارحقه مرکز و مظهر سنیدون سن
ذبح آیه سینون شرحینه مصدر سنیدون سن
طاهایه اولان وارث افسر سنیدون سن
قرآن اوخویان طایفه طاهانی ویرالّار
.
بُلمم نقدر واردی بو ملّتده شقاوت
ئولدوردی سنی خیمه لرون ایلدی غارت
بو قدر جفایه گینه ایتمزله کفایت
ظلمیله باجون زینب نالانی ویرالّار
.
گوردوم باشیوی نیزه باشیندا من کلباش
ظلمیله ورالاّر او یارالی باشووا داش
ووردوم باشیمی محمله باتدیم قانا قارداش
اما گینه بو قانینه غلطانی ویرالّار
.
بیر یاندا حسین زینبی بازاره چکوللر
عصمتلی باجون مجلس اغیاره چکوللر
بیریاندا یارالی باشوی داره چکوللر
دار اوسته یهودی کیمی عیسانی ویرالّار
.
بیریاندا آلوبلار اله طنبور و دف و تار
بیریاندا گیوب قرمزی بو ملت بیمار
بیریاندا حرملر ملشور قیزلارون آغلار
بیریاندا حیا معدنی لیلانی ویرالّار
.
سجاد گیدر بزم عبید بن زیاده
عریان دوه اوسته قولی باغلی گلو داده
داملاردان آتالّار نی اودی زین العباده
نمرود کیمی حجّت سبحانی ویرالّار
.
قارداش دی گوروم کوفیه بیرباش نجه گلدون
اولدون بو یولی خولیه یولداش نجه گلدون
گتدی یارالی باشوی قارداش نجه گلدون
من فاش دیسم علم نمایانی ویرالّار
.
« طوری » گیجه گوندوز سن حسین باشینه آغلا
قوی گوزدن آخا گوز یاشون اوز باشینه آغلا
زینب دلیجه عرض ایله قارداشینه آغلا
قارداش بو نجه یردی مسلمانی ویرالّار
.
#سبک_ای_باد_صبا … بیش از 7 سبک
.
#کوفه
#قارداش_بو_نجه_یردی_مسلمانی_ویرالار
#طوری_تبریزی
#ترکی
.
#زبدةالاشعار
?: @nohe_torki
: @nohe_torki . #سیف_اله_آذری . چکوب دریا غمی آزاده زینب دایاندی داغ کیمین اِیذاده زینب . . نه زینب پارۀ قلب پیمبر نه زینب زینت و دلبند حیدر نه زینب کلّ نسوانه اوبیشتر
نظر دهید