زبانحال حضرت سکینه به سر حضرت علی اکبر
.
#زبدةالاشعار
.
: @nohe_torki
.
مرحوم خادم عطار تبریزی
.
قارداش سکینیه مشکلدی فرقتون
گوگلوم اولوبدی چوخ مشتاق صحبتون
.
.
اولسون قسم سنون طاق هلالوه
حسرت قالوب گوگل اول گل جمالوه
واردور علاقه بسی اول خط و خالوه
چخماز خیالدن میل و محبتون
.
.
بیرجه سوروشموسان بوحال زاریمی
آیا ایشتموسن بو آه و زاریمی
یا اینکه گورموسن رنگ عذاریمی
چون زعفران ایدوب درد مصیبتون
.
.
دائم ایشیم اولوب افغان ناقه ده
آرام اولانمارام بیر آن، ناقه ده
قورخوم بودور وئرم من جان، ناقه ده
قالسون قیامته دین دلده حسرتون
.
.
مشگلدی تاب ایدم هجرانه ای علی
گلّم صباح و شام افغانه ای علی
از بسکه دویموشام بو جانه ای علی
آخرده ئولدورر بو درد غربتون
.
.
اولموش باجون اسیر، قوم ضلالته
مدّتدی حسرتم بیر استراحته
بیمار هجریوم گل بیر عیادته
آرتوق ثوابی وار قارداش عیادتون
.
.
هر لحظه ایلیور ظلمین زیاده شمر
چکدی بو نوعیلن بزم زیاده شمر
شامه کیمی آپارور چون پیاده شمر
تقدیر ایدنمرم حدّین شقاوتون
.
.
قویموشدی کینیله باشون برابره
یوز دوتدی سویلدی شمر ستمگره
بو باش کیموندی چوخ بنزور پیمبره
یاخشی یتورموسن انجامه خدمتون
.
.
هر ظلم ایلسه شمر دغا منه
عشقونده نوشدور جور و جفا منه
قسمت اولیدی کاش کرببلا منه
قلبیمده قالمیا شوق زیارتون
.
.
قولدا طناب گوزده اشک آلیمه
شهزاده ام نظر قیل بیر جمالیمه
اول گل جمالوی سالام خیالیمه
چخماز خیالیدن بیر لحظه صورتون
.
.
هر کیم زمانه ده دوتسا عزاسنه
یا هر کیم ایلسه برپا عزا سنه
خادمله قیل نصیب اهل عزاسنه
دنیا زیارتون عقبا شفاعتون
.
.
#راه_شام_خادم_عطار
#قارداش_سکینیه_مشکلدی_فرقتون
#ترکی
.
#زبدةالاشعار
.
: @nohe_torki
نظر دهید