شجاعت حضرت قاسم (ع)
..
..
..
..
..
جعفر عباس نژاد (ظریف)
..
..
..
..
..
قاسم ابن حسن اول سید پاکیزه ضمیر
سنّی آز تازه جوان مرتبه ی عشقده پیر
سیزده ساله مجاهد یل دعوا و دلیر
شهد شوق آور ایثاره سوسوز جاندان سیر
طالب وصلت جانان بشرستاندان سیر
..
..
..
..
..
عاشق صادق ثارالله و مست می عشق
نقد جان الده نوا دیلده شتابان پی عشق
محرم اولسون حرم یاره گیوب جامه ی عشق
اقرباسین قویوب آغلار خیمین ترکین ائدیر
جبهه ی حقده جهاد ائتمگه مردانه گئدیر
..
..
..
..
..
جان سپر اسلحه ایمان قدح عشق تنی
مغفری بیریاشیل عمامه زره پیرهنی
حسنین اوغلیدی بو وار ائله حسن حسنی
چهره سیندن سپیلیر نور باخان خیره لنور
باخیشیندان توکولور شور شهامت النور
..
..
..
..
..
قلبی ایمانه مسلح ایتی شمشیره الی
صوت تکبیری سالیب وحشته اهل جدلی
گوئیا عَمری گلیب خوار ائده خندقده علی
عالم همدی یا اینکه کئچن گون قییدیب
مجتبی حین جوانی او چوله رجعت ائدیب
..
..
..
..
..
لشکره باخدی گلوبدور دیله دلبند حسن
ای وفانی اونودان شخصلر ای اهل فتن
بوروادورکه سودان سهم آپارا زاغ وزغن
ولی مخیمده امامین صودامر اوغلی یانا
نجه انصافدی، لعنت سو یولون باغلیانا
..
..
..
..
..
هدفوز دیندی اگر دعوی اسلام ائدیسوز
نیه بس فاسق امیرین دالیسیجاق گئدیسوز
فاطمه اوغلی اولان یرده یزیدی نئدیسوز
آییلون هند جگرخوارین اودور خوار اوغلی
بو پیمبر نوه سی حیدر کرار اوغلی
..
..
..
..
..
ای عمرسعد ستم پیشه وملعون و دغا
تیغ عطشانیمی گور باخما بو عطشان دوداقا
فن دعوابیلنوز کیمدی ده چیخسین قاباقا
قاسمم جانوزه من ایندی شرر سالمالیام
اکبرین قانینی شمشیرمیلن آلمالیام
..
..
..
..
..
قرعه اولده چیخوب ازرقین اوغلانلارینا
دوردیده صحنه ی هیجاده باتیب قانلارینا
باخدی ازرق اولارین لاشه ی بیجانلارینا
قلب پرکینه سی نیران مصیبتده یانیب
عزم جنگ ایلدی قاسمله مقابل دایانیب
..
..
..
..
..
بحردن نم کیمی دور سطوت قاسمده دئمک
عین غفلتدی ولی دشمنی ناچیز ائلمک
خلق اولار بیرده قساوتده مگر ازرق تک
شامده دوزدی اوگون آدلی دلاور چوخودی
ازرق شومه ولی جنگده همتا یوخودی
..
..
..
..
..
بیر بئله ناکسی تشویق ائلیور لشگر وهنگ
شکل نافرمینی رعب آور ائدیب جامه ی جنگ
دیور الان ائدرم عرصه نی من قاسمه تنگ
ولی بیلمو یم غیرت که خروش ایلیه جک
باده ی مرگی او ساعت ئوزی نوش ایلیه جک
..
..
..
..
..
اودئدی لشکرشامین قوی سرکرده سیم
بوحسینین دئدی سرباز نظر کرده سیم
قاسمم من سفر عشق خطر کرده سیم
فرصت اولماز سنه چوخ عرضه ی افنان ائده سن
گرک اوغلانلاروون فوری دالیجاق گئده سن
..
..
..
..
..
اولدی میدان آراسی رد وبدل بانگ وخروش
قهر و فریاد و عتاب و غضب و جنبش و جوش
عاقبت آتش شور وهیجان اولدی خموش
مرحبا نغمه سی احسن سسی نه طاقه دوشوب
ازرقین لاشه سی بیرحمله ده توپراقه دوشوب
..
..
..
..
..
گوردی سعد اوغلی عمر ، جنگ مهار اولمیاجاق
هرشغاله علوی شیری شکار اولمیاجاق
قله ی فتحه بئله پایگزار اولمیاجاق
وئردی فرمان تهاجم هامی صفلر یریدی
بیرجوان اوستونه بیر سهملی لشگر یریدی
..
..
..
..
..
نجه قاره بولوط آلتیندا اولار آی پنهان
حسنین اوغلون اوجور دوره لدی لشکریان
قاسمین دشمنی سایسیز ئوزی یورقون ،عطشان
بیرق کفری اوحالدا آقا روئیت ائلدی
اوعلم حاملین ئولدورمگه همت ائدی
..
..
..
..
..
هدفی مد نظرده یول آچور لشگردن
باشلاری تیغیله پیدر آییرور پیکردن
صوت تکبیر اوجالور عرشه سوسوز لبلردن
کیم چیخور قارشینا البته که قدی بوکولور
دالیسیجاق یره یاپراق کیمی پیکر توکولور
..
..
..
..
..
ای زمان صاحبی عفو ایله بومطلبده منی
دوشدی آهوکیمی دامه اوجوان مدنی
نه ورانلار اوتانیب اولدی نه داده گلنی
گول کیمی پرپر ائدیب دشمن اوعطشان دوداقی
برگ برگین یره فرش ایلدی آتلار ایاقی
..
..
..
..
..
او زره سیز بدنه دگدی او اندازه یارا
داش الینده اوغولان آینا کیمی اولدی پارا
عموسی ایلیه بیلموردی خیامه آپارا
نکته بوسوزدن اولار سوز بیلن اشخاصه جلی
کیچیلر دوغرانان اعضا او اوزانموشدی ولی
..
..
..
..
..
#قاسمیه_شجاعت
#قاسمیه_شهادت
#قاسم_ابن_حسن_اول_سید_پاکیزه_ضمیر
#ظریف #قاسمیه
#ترکی
#زبدةالاشعار
نظر دهید