غسل حضرت زهرا (س)
#گریز به #کوچ_کربلا
.
✍️زبدة الاشعار✍️
.
🆔: @nohe_torki
.
مرحوم #رفوگر
.
گر ایسته سوز تاپاسوز یول علیّ اعلایه
سرشک دیده توکون ماجرای زهرایه
.
گینه بروزه وئرور گوز سرشک تازه سینی
یقین دوتوبلا سویا فاطمه جنازه سینی
.
جنازه نی چخادوب دیشره شاه خیبرگیر
اوجالدی گوگلره فریاد و نالۀ شبگیر
.
باتوب ملاله توکوب عارضه سرشگ نجوم
ملائکان سماوات ائدوب یر اوسته هجوم
.
امین وحیه اولوب وحی حیّ اعلادن
گتوردی غسلینه سو چشمۀ مصفّادن
.
بئله روایت ائدر بو حکایتی ورقه
سالوب روایتی شیون بناسی نه طبقه
.
دیر که دورموشودوم پشت درده ناله کنان
سویوندوراندا او مظلومه نی امام زمان
.
قرار و تاب و توان مهر و ماهیدن آلدی
علی سسی اوجالوب عرشه ولوله سالدی
.
قاریشدی بیربیرینه اهل بیت پیغمبر
بیر آز سکوت ائلدیم بولمدیم بیر اوزگه خبر
.
خبر همین بوئیدی قیل بو یرده مدنظر
کنار ائدنده لباسین گوروندی ظلم عمر
.
گوروم اولیدی ازلدن بو عالمی نابود
که گورمییدی علی فاطمه قولوندا کبود
.
دورون ایاقه گیداق جمله فاطمه یاسینا
علی نه چکدی دوشنده گوزی قابورقاسینا
.
وئروبدی غسل و کفن ایلدی شه کونین
تمام ائدوبدی یتوشدی او حینیده حسنین
.
چخوبدی زینب اودم حجله گاه عصمتدن
اوزین یتوردی خانم کثرت مصیبتدن
.
آلوبلا دورۀ ماه امامی شمس و نجوم
چخوبدی دیشره او دم گون تک حضرت کلثوم
.
دوتوبدی دورۀ ماه وصالی پروانه
یانوبدی فضّه سالوب اود دل و جانه
.
گل حقیقتی اوخشارغریبه بلبلر
دیردیلر نجه داش آغلادان شیرین دللر
.
سرشگ دیده توکوب داغ و داشی داغلادیلار
جنازه اوسته اولار سیل اشگی باغلادیلار
.
ز بسکه ناله و فریاد ائدوب حسین و حسن
جنازه بیر حرکت ایلدی آچیلدی کفن
.
گوگل قنادیلرین ساق عرشیدن آسدی
ایکی بالاسینی آغوشه جان کیمی باسدی
.
یتوشدی وحی امامه خدای اعلادن
آییرگلان حسنینی بتول عذرادن
.
محبّتیله آیردی امام کون و مکان
جنازه دن بالالاری به دیدۀ گریان
.
اگر چه رسمیدی ایتامه رحم ایدر هامی کس
حسین یتیمینه رحم ایتمیوبدوله نیه بس
.
.
#گریز #کوچ_کربلا
.
.
کوچنده کربُ و بلادن جفائیله اسرا
گلوبله قتلگهَه کاروان درد و بلا
.
متاع درد وغمه وئردیله او چولده رواج
آلوبلا عالم معناده نه فلکدن باج
.
توکولدولر دوه لردن مقیّد و مغلول
نه قید دور که رضائیله ایلیوبله قبول
.
فراقیدن اوسانانلار تاپوبلا عین وصال
دوزتدی عاشق و معشوق وصلی مجلس حال
.
آنا بالا باجی قارداشی چکدی آغوشه
اوزاق سفردی گوتورسونله بلکه بیر توشه
.
«رفوگروز» غم الیندن توکندی جانه گلوب
بو سوزلری قاپوزا ایلیوب بهانه گلوب
.
.
#فاطمیه_شهادت
#گر_ایسته_سوز_تاپاسوز_یول_علی_اعلایه
#رفوگر
#ترکی
.
✍️ #زبدةالاشعار ✍️
.
🆔: @nohe_torki
نظر دهید