قالموشام چوللرده ساخلا کاروانی عمه جان #راه_شام_حسینی_زنجانی

راه شام
زبانحال حضرت رقیه (س)
..
..
..
..
حسینی زنجانی
..
..
..
..
قالموشام چوللرده ساخلا کاروانی عمّه جان
سالما گوزدن باری سن بو مهربانی عمّه جان
..
..
..
..
یوخ سوزوم الدن آلوب دنیا منیم اجلالیمی
ایلیوبدی واژگون امر قضا اقبالیمی
آز قالوبدی داشه چالسون شیشۀ آمالیمی
قویما خوار ایتسون فلک بو ناتوانی عمّه جان
..
..
..
..
سن بیلورسن من اسیرم تار زلف اکبره
بسته دی روح روانیم اشبه پیغمبره
کاش الیم بیرده یته آخر او ماه انوره
بیر به بیر اظهار ایدم درد نهانی عمّه جان
..
..
..
..
نیلیوم یتمور الیم نه یار و نه یولداشیمه
قویدی چرخ دون منی حسرت علی قارداشیمه
گیتمه عمّه آند ویرّم بو آخان گوز یاشیمه
قیل ترحّم یاده سال بو با غریقانی عمّه جان
..
..
..
..
عمّه گیتمه یوسف لیلایه خاطر صبر ایله
قولّاری تندن قلم سقایه خاطر صبرایله
ناقه نی ساخلا آنام زهرایه خاطر صبر ایله
لنگه سال پوزقون قطار کربلانی عمّه جان
..
..
..
..
گه گیدوب هوشه گهی بیردن اویانام آغلارام
گه شرار آهمیله قلب زاری داغلارام
معجریمله گه ایاقیمون یاراسین باغلارام
آغلادار آهیم آنام خیر النسانی عمّه جان
..
..
..
..
تیکموشم گوز سیز گیدن یولاره اما قورخورام
قوش گیچنده باشیم اوستن عمّه حتى قورخورام
بیر یتیمم قورخولی صحراده تنها قورخورام
ای آنامدان مهربان زهرا نشانی عمّه جان
..
..
..
..
آغلاشار احوالیمه عمّه چولون آهولری
سس قوشار افغانیمه صحرالرین تیهولری
گه بو زاری آغلادار آهولرین یا هولری
یاندیرار بو منظره روح روانی عمّه جان
..
..
..
..
آیریلاندا خیمه لردن شهریار ممتحن
دامنین دوتدوم یول اوسته یانه یانه اوندا من
سسلدی گلدون بابام، آلدین منی آغوشه سن
اوندا تاپشوردی سنه بو مه لقانی عمّه جان
..
..
..
..
بیلمورم نه گلدی تیز دویدون بو بختی قاره دن
نه سبب اولدى ال اوزدون عمّه بو بیچاره دن
بی خبر سن اولمیا یا اینکه بو مه پاره دن
بیلموسن یرده قالوب بو ناگرانی عمّه جان
..
..
..
..
سال منی یاده بی بی یا سال آتامون یادینه
دئ قیزون قالموش بیاباندا یتیش فریادینه
یوخ گلن داده بابا تیز گل اوزون امدادینه
قویما گوز یولدا قالا نازلى بالانى عمّه جان
..
..
..
..
#راه_شام #حسینی_زنجانی #ترکی #زبدةالاشعار