نقّاش ازل دفترینه چکدی قیزیل گول
قیزیل گول
.
.
✍️ زبدة الاشعار ✍️
.
🆔: @nohe_torki
.
سیدبشیر حسینی میانجی
.
نقّاش ازل دفترینه چکدی قیزیل گول
گؤیچکدی گوزلّیکده گؤروب تکدی قیزیل گول
.
پیغمبرین عطری بورویه یئر – گؤیی دائم
گول اؤزلولرین خاطرینه اکدی قیزیل گول
.
فروردین اولاندا آچیلار غنچه‌سی وردین
گول‌لرده دییر گؤر نئجه گؤیچکدی قیزیل گول!
.
عطرین یئله وئردی ائله بیل نامه‌نی پیکه
بولبول‌لری چؤلدن چمنه چکدی قیزیل گول
.
خاریله اولوب قونشو، ندیر سرّی ایلاهی!
قلبیم کیمی بیر قیزمزی کؤینکدی قیزیل گول
.
هم عطری گؤزه‌لدی، همی آدی، همی یادی
چون آینه‌ی لطف تبارکدی قیزیل گول
.
طاها گولو جنّت گولودور سولمیاجاقدی
عطّار بیلر، فاطمه مَسلَکدی قیزیل گول
.
زهرانی گوله یوخ، گولو زهرایه مثل وور
آز عمر ائلماقلیقدا اؤنا چکدی قیزیل گول
.
بو شعریوین عطریله عطیرلندی بو مجلس
شعرونده «بشیر»ا سنه مدرکدی قیزیل گول
.
#فاطمیه_مدح
#نقاش_ازل_دفترینه_چکدی_قیزیل_گول
#سیدبشیرحسینی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید