قان آغلا گوزوم موسم هجران علیدور #حیدریه_محمدی_ناعم

#حیدریه_شام_غریبان
شام غریبان حضرت امیرالمومنین علیه السلام
.
.
.
محمدی(ناعم)
–
قان آغلاگوزوم،موسم هجران علیدور
زهراباش آچوب،شام غریبان علیدور
.
.
گلزارولاصرصرضلمیله سولوبدی
کوفه بوگئجه آه وفغانیله دولوبدی
زهرانون علی،عدنیده مهمانی اولوبدی
جنتده خانم فاطمه نالان علیدور
.
.
زخم سرمولایه داخی اولمادی چاره
سلطان شرف،محنتیلن گئتدی مزاره
چکدی غم اودی،قلب عوالمده شراره
گویده ملکوت اهلی نواخوان علیدور
.
.
تایومدی جهاندان گوزونی میرولایت
ارکان شرف سیندی،یتیم اولدی عدالت
تپراقلارون آلتیندایاتوب کوه شرافت
تپراق بوگئجه بی سروسامان علیدور
.
.
مهرشرفون گردشی تادوشدی زواله
احرارعلی،باشه ویروب باشلادی ناله
گئتدی بوگئجه شیرخدابزم وصاله
یارون بوگجه وصلتی،درمان علیدور
.
.
یوخدوربوگئجه کوفه ده آوای مناجات
جناته ویروب زینت ئوزی قاضی الحاجات
زهرائیله حیدرائده جک چونکه ملاقات
هریئرده اولافاطمه،،رضوان علیدور
.
.
دنیاده اگرزینبی افغانیله آغلار
آهیله حسین وحسنی سینه نی داغلار
جنتده ولی باش یاراسین فاطمه باغلار
باش یاره سینون  مرهمی،جانان علیدور
.
.
“ناعم”بوسوزی شام عزایازدی بداهه
هربیتی یازاندا بورونوب جامهٔ آهه
الطاف علیدن یتیشوب عزت وجاهه
هرسوزکه یازوردفتره،احسان علیدور
.
.
.
#حیدریه_شهادت
#حیدریه
#قان_آغلا_گوزوم_موسم_هجران_علیدور
#محمدی_ناعم
#ترکی
#زبدةالاشعار