زبدةالاشعار

جان وئردی شاه لافتی آل عبا آغلار #حیدریه_علیرضا_عباسی

#حیدریه_شام_غریبان
شام غریبان حضرت امیرالمومنین علیه السلام
.
#سبک_ویرانه_ده_نازلو_بالام
.
.
علیرضا عباسی (احسان تبریزی)
.
.
جان وئردی شاه لافتی آل عبا آغلار
زینب دیور ایوای بابا ارض وسما آغلار
.
.
مظلوم حسن مظلوم حسین مظلوم دورانی
غسل ایلیب قیلدی کفن غم دیلده پنهانی
عرشه اوجالدی زینبین فریاد وافغانی
سندن صورا غملی قیزون صبح ومسا آغلار
.
.
قیلدی نمازین مجتبا دیلدن یانا یانه
شمع خموشی دور ائدیب بیر عده پروانه
تابوتی خارج ائتدیلر ایودن غریبانه
آل علی بیردن ائدیب شور ونوا آغلار
.
.
هر چند آل مصطفی تکیه ائدیب صبره
قان یاش توکوبلر گوزلری بنذیردی چون ابره
گئتدی بابام قیزلار دئدی زهرا کیمی قبره
ایوای آتا سسلردیلر گاهی آنا،آغلار!
.
.
آز عده تشییع ایلدی مولانی پنهانی
آغوشینه تپراق آلوب مظلوم دورانی
پیشواز ائدر لیک عدنیده زهرا او مهمانی
گورسه باشیندا یاره سین خیر النسا آغلار
.
.
درّ معانی خاکیده یارب اولوب مدفون
دفن ایلیب اوغلانلاری گلدی ایوه دلخون
هر سینه دن اما گلور بیر ناله ی محزون
آل عبا دیلده دوتوب یکسر عزا آغلار
.
.
گوردی امام مجتبا دیللرده طوفاندی
بیر سوز دئدی اهل عزا دیلدن الولاندی
مظلوم باباما بو گئجه شام غریباندی
تکرار ائدیبدی بو سوزی آل عبا آغلار
.
.
.
.
#حیدریه
#حیدریه_شهادت
#جان_وئردی_شاه_لافتی_آل_عبا_آغلار
#علیرضا_عباسی
#ترکی
#زبدةالاشعار

متن پیشنهادی:  ای منجی رهایی دین خدا بیا #مهدیه_محمود_ژولیده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی