شهادت حضرت زهرا (س)
شام غریبان
.
.
واصف مرندی
.
.
قان آغلییبدی دیده ی دنیا گچن گجه
محشر اولوب مدینه ده برپا گچن گجه
.
زینب گجیله ئوز آناسینی سالیب یولا
بیر لحظه ائتمییب گوزی رؤیا گچن گجه
.
هرچند چوخ گجه قان اودوبلار آنا بالا
چوخ فرق ائدیر بوباره ده اما گچن گجه
.
چوخدان قویاردی بیر الینی مجتبی ئوزه
بو سری ائلییب ولی افشا گچن گجه
.
اشکیله ایسلانیبدی حسینین عمامه سی
از بس کی آغلییب او دل آرا گچن گجه
.
اما علی ئولوب دیریلیبدی بقیعیده
گیزلین وصیتی ادیب اجرا گچن گجه
.
تپراق سپیبدی باشینه گویا بقیعیده
قبره گئدنده یاره لی زهرا گچن ڪجه
.
عمامه سینده درد و مصیبت غباری وار
مغموم اولوب ملالینه مولا گچن گجه
.
دردین آغیرلیقی بئلینی سیندیریب ائله
دلدن دوشوب اومرد توانا گچن گجه
.
.
#فاطمیه #فاطمیه_شهادت #ترکی #واصف_مرندی #زبدةالاشعار
قان آغلییبدی دیده دنیا گچن گجه #فاطمیه_واصف_مرندی
نظر دهید