قبرون نه عجب عطرفشاندور آنام اوغلی #اربعین_شهاب_تبریزی

اربعین
.
#زبدةالاشعار
.
: @nohe_torki
.
#سبک_ای_باد_صبا … 7 سبک
.
مرحوم شهاب تبریزی
.
.
قبرون نه عجب عطرفشاندور آنام اوغلی
عشق اهلینه بیر رشک جناندور آتام اوغلی
.
.
صد شکر که حق ویردی اجلدن منه مهلت
تاپدوم بوقدر محنتله بیرده سعادت
هر فیضیدن اعلادى یقین فیض زیارت
بیر شوط ایلمک قیمتی جاندور آتام اوغلی
.
.
هانسی غمیمی بلمم أیدوم من سنه تقریر
یا هانسی مصیبتدہ چکوم نالۀ شبگیر
از بسکه ایدوبدور غم و غصه دله تأثیر
گوزدن جگریم قانی رواندور آتام اوغلی
.
.
هر درد که چکدوم سن اوزون اولموسان آگاه
اولموشدی باشون نیزه ده چون زینبه همراه
بیر شمّه اوزوم عرض ایدرم اذن اولا هرگاه
هرچند سنه حالیم عیاندور آنام اوغلی
.
.
اولدون سن او وقتیکه قتیل اهل جفایه
گون تک باشوی ووردی سِنان نوک جدایه
گیتدوم باشون آردونجا حسین منده چو سایه
گوردوم که باشون زیب سناندور آنام اوغلی
.
.
باشون دالیجا هر یری بی پرده دولاندیم
صبّاغ بلا ایستدی هر رنگه بویاندیم
اوچ ساعتی دروازۀ ساعتده دایاندیم
فتوا ویروب عشقون که دایان دور آنام اوغلی
.
.
وقتیکه حسین داخل شام اولدی قطاریم
اوضاعینی گوردوقجا دوتوب اود دل زاریم
قویموبدی قالا تیر بلا صبر و قراریم
قدّیم بو مصیبتده کماندور آنام اوغلی
.
.
شام ایچره دولاندوخ اوقدر شامه یتشدی
شام اهلی زبس ظلم ایلیوب کامه یتشدی
ویرانه ده عمریم اوگون اتمامه یتشدی
ویرانه غمی خیلی گراندور آنام اوغلی
.
.
صبح اولدی چکوب عترتوى شمر طنابه
قول باغلو حسین داخل ایدوب بزم شرابه
گلمز چون اوبزمون ستمی ظلمی حسابه
باعث اودی باغریم دولى قاندور آنام اوغلی
.
.
اگلشدی یزید عزّتیلن تخت جفاده
قویدی یارالی باشیوی بیر طشت طلاده
جام الده شراب ایچدی گلوب قارداش عناده
گوردوم که لبون چوبه نشاندور آنام اوغلی
.
.
سرمست اولوب اول ظالم ایدوب قلبیمی برباد
بر ظلم ایلیوب اهلحرم ایلدی فریاد
بیماریوی ئولدورمگه چون ایستدی جلاد
بو امریده باغریم دولی قاندور آنام اوغلی
.
.
مدتدی شهابا ایدوسن ناله و زاری
اولمور سنه که قسمت او ششگوشه مزاری
سنده اوخی بو بیتی ایله گوز یاشی جاری
قبرون نه عجب عطر فشاندور آنام اوغلی
.
شعر مرحوم #خوندل_تبریزی در ادامه مطلع مرحوم شهاب تبریزی در هشتک زیر
#قبرون_نه_عجب_عطر_فشاندور_آنام_اوغلی
.
#اربعین_شهاب_تبریزی
#قبرون_نه_عجب_عطرفشاندور_آنام_اوغلی
#ترکی
.
#زبدةالاشعار
.
: @nohe_torki