زبدةالاشعار

قتل سلطان ولایتدور بوگون #حیدریه_صحاف_تبریزی

در شهادت مولای متقیان امیرالمؤمنین (ع)

.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
قتل سلطان ولایتدور بوگون
کوفه ده برپا قیامتدور بوگون
وا علیّا ناله سندن ماسوا
غرق دریای ملالتدور بوگون
.
.
ظلمیله قتله یتوب شیر خدا
فاتح خیبر وصی مصطفا
انبیالرباش آچوب ایلر نوا
قتل سلطان ولایتدور بوگون
.
.
بو اوگوندور گلشن ایمان سولوب
بو غمیله قلب پیغمبر دولوب
حکم قرآن مبین تعطیل اولوب
قتل سلطان ولایتدور بوگون
.
.
ایلیوب ترک جهان سلطان دین
عروة الوثقى امیرالمؤمنین
آغلوری سکّان افلاک برین
قتل سلطان ولایتدور بوگون
.
.
گئتدى دنیادن شه ملک الست
تاپدی ارکان هدایت چون شکست
دورت یوز ایو قالدی بوگون بی سرپرست
قتل سلطان ولایتدور بوگون
.
.
بو همان گوندور باتوب یاسه جهان
دولدوروب آفاقی فریاد و فغان
وار یری قان آغلاسون اسلامیان
قتل سلطان ولایتدور بوگون
.
.
بو علی چوخ مهربان بیر شاهیدی
بینوالر حالنه آگاهیدی
آیت توحید سرّ اللهیدی
قتل سلطان ولایتدور بوگون
.
.
جان ویروب جانانه شاه نشأتین
دولدوروب کوفه دیارین شور و شین
بوینی چگننده توکر اشکین حسین
قتل سلطان ولایتدور بوگون
.
.
باش آچوبدور عترت میر هدا
بیر بیره دگمش نبات مصطفال
فرشدن اوج ایلیوب عرشه نوا
قتل سلطان ولایتدور بوگون
.
.
بیر طرفده زینب بی خانمان
زلفی تک حالی پریشان باغری قان
نی کیمی داده گلوب ایلر فغان
قتل سلطان ولایتدور بوگون
.
.
گه ویرور سس زینبون افغاننه
گه باخار کرب و بلا سلطاننه
سیل تک اشکی آخار داماننه
قتل سلطان ولایتدور بوگون
.
.
سنده صحاف ایله فریاد وفغان
ماتم شیر خداده آغلا قان
قیل اوزیوه بو سوزی ورد زبان
قتل سلطان ولایتدور بوگون
.
.
#حیدریه_صحاف_تبریزی
#حیدریه_شهادت
#قتل_سلطان_ولایتدور_بو_گون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  منبع جود و کرامت علم و حلمین انتهاسی #جوادیه_شایان_ارومیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی